കോതമംഗലം: ഓണാഘോഷക്കാലത്ത് വ്യാജമദ്യനിര്മ്മാണവും വില്പനയും പൂര്ണ്ണമായും തടയുന്നതിന് വനമേഖലയടക്കം ഫോറസ്റ്റ്, പോലീസ്, എക്സൈസ് വകുപ്പുകള് ത്രിതലപഞ്ചായത്തുകളുടേയും മുനിസിപ്പാലിറ്റികളുടെയും സഹകരണത്തോടെ സംയുക്ത റെയിഡുകള് നടത്തണമെന്നും വാഹനപരിശോധന കര്ശനമാക്കണമെന്നും കെസിബിസി മദ്യ-ലഹരി വിരുദ്ധസമിതി കോതമംഗലം രൂപത നേതൃത്വയോഗം ഗവണ്മെന്റിനോട് ആവശ്യപ്പെട്ടു. തൂഫാന്, തണ്ടര് പദ്ധതികള് സംയോജിപ്പിച്ച് ലഹരിവിരുദ്ധ പ്രവര്ത്തനങ്ങള് ശക്തിപ്പെടുത്തുന്നതിനുള്ള ശ്രമങ്ങള്ക്ക് കെസിബിസി മദ്യവിരുദ്ധ സമിതി എല്ലാവിധ പിന്തുണയും പ്രഖ്യാപിച്ചു.
രൂപത ഡയറക്ടര് ഫാ. ജെയിംസ് ഐക്കരമറ്റം ഉദ്ഘാടനം ചെയ്തു. രൂപത പ്രസിഡന്റ് ജെയിംസ് കോറമ്പേല് അദ്ധ്യക്ഷത വഹിച്ചു. രൂപത ജനറല് സെക്രട്ടറി ജോണി കണ്ണാടന്, ജോയ്സ് മുക്കുടം, സെബാസ്റ്റ്യന് കൊച്ചടിവാരം, ജോയി പടയാട്ടില്, ബിജു വെട്ടിക്കുഴ, ജിജു വറുഗീസ്, ജോമോന് ജേക്കബ്, ജോസ് കൈതമന, പോള് കൊങ്ങാടന്, പി.എ. ഇമ്മാനുവേല്, ജോജോ അബ്രാഹം, കെ.വി. ഏണസ്റ്റ്, സിജോ കൊട്ടാരത്തില്, ജോമോന് പാറയ്ക്കല്, മാര്ട്ടിന് കീഴേമാടന്, കെ.എം. ജോയി എന്നിവര് പ്രസംഗിച്ചു.
