കോതമംഗലം: പൊങ്ങൻചുവട് ഉന്നതിയിൽ നിന്ന് കൂറ്റൻ രാജവെമ്പാലയെ പിടികൂടി. ഇടമലയാർ ഡാമിനോട് ചേർന്നുള്ള ദുർഘട കാട്ടുപാതയിലൂടെ ഏകദേശം നാലോളം കിലോമീറ്ററുകൾ ദൂരെയാണ് ജനവാസ മേഖലയായ പൊങ്ങൻ ചുവട് ഉന്നതി സ്ഥിതി ചെയ്യുന്നത്. ഇന്നലെ വൈകിട്ട് പുളിമരത്തിലാണ് പാമ്പിനെ ആദ്യം കണ്ടത്.
വനം വകുപ്പിനെ വിവരമറിയിച്ചതിനെ തുടർന്ന് പാമ്പുപിടുത്ത വിദഗ്ദ്ധൻ ജുവൽ ജൂഡിയുമായി വനപാലകർ ഉടൻ സ്ഥലത്തെത്തി പാമ്പിനെ പിടികൂടാൻ ശ്രമം നടത്തുകയായിരുന്നു. ഇതിനിടയിൽ രാജവെമ്പാല കൊക്കോമരത്തിലേക്ക് കയറുകയും അവിടെ വച്ച് ജുവൽ പാമ്പിനെ കൈപ്പിടിയിലാക്കുകയുമായിരുന്നു. വനപാലകർ പിന്നീട് പാമ്പിനെ ഉൾവനത്തിൽ തുറന്നു വിട്ടു.
