കോതമംഗലം: ഫാസ് (ഫൈൻ ആർട്സ് സൊസൈറ്റി ) നാൽപ്പതാം വാർഷികത്തോടനുബന്ധിച്ച് സ്കൂൾ കോളേജ് വിദ്യാർത്ഥികൾക്കായി സാഹിത്യ മത്സരങ്ങളും മൊബൈൽ ഫോട്ടോ ഷൂട്ട്, ഷോർട് ഫിലിം മത്സരങ്ങളും സംഘടിപ്പിക്കുന്നു. സ്കൂൾ കോളേജ് തലത്തിൽ രണ്ട് കാറ്റഗറിയിലായിരിക്കും മത്സരം. 20ന് (ശനിയാഴ്ച്ച) ഫാസ് ഓഡിറ്റോറിയത്തിൽ, കഥ, കവിത, ഉപന്യാസ രചന, ഫോട്ടോ ഷൂട്ട് മത്സരങ്ങൾ അരങ്ങേറും.
വിജയികൾക്കുള്ള ക്യാഷ് പ്രൈസ് 27 ന് നടക്കുന്ന വാർഷിക സമ്മേളനത്തിൽ വിതരണം ചെയ്യും. സിനിമ താരം ജോയ് മാത്യു, സംവിധായകൻ എബ്രിഡ്ഷൈൻ എന്നിവർ വിശിഷ്ട അതിഥിയായിരിക്കും. ഫാസ് സ്ഥാപക പ്രസിഡൻ്റ് ഷിബു തെക്കുംപ്പുറം എം.എൽ.എ മുഖ്യ പ്രഭാഷണം നടത്തും. മത്സരത്തിൽ പങ്കെടുക്കാൻ ആഗ്രഹിക്കുന്നവർ 9947068100 എന്ന നമ്പറിൽ ബന്ധപ്പെടണമെന്ന് സംഘാടകർ വാർത്ത സമ്മേളനത്തിൽ അറിയിച്ചു.
ബേസിൽ എബ്രഹാം, അഡ്വ. ജെല്ലി ഷിബു, സജി മത്തായി, പ്രഫ.കെ.എം. കുര്യാക്കോസ്, സോണി തോമസ്, ജിജി ഏളൂർ എന്നിവർ പങ്കെടുത്തു
