കോതമംഗലം: സെന്റ് അഗസ്റ്റിൻസ് ഹയർ സെക്കൻഡറി സ്കൂളിൽ പിടിഎ ആദരം 2026 എന്ന പ്രോഗ്രാമിലൂടെ മുഴുവൻ ജീവനക്കാരെയും ആദരിച്ചു. ലോക്കൽ മാനേജർ,പ്രിൻസിപ്പൽ, ഹെഡ്മിസ്ട്രസ്, അധ്യാപകർ, അനദ്ധ്യാപകർ, സ്കൂൾ ബസ് ജീവനക്കാർ, സ്കൂൾ പാചക ജീവനക്കാർ എന്നിങ്ങനെ സ്കൂളിന്റെ ഭാഗമായ എല്ലാ ജീവനക്കാരെയും ചടങ്ങിൽ ആദരിച്ചു.
സ്കൂളിലെ ചാരിറ്റി പ്രവർത്തനങ്ങളുടെ ഭാഗമായ ചാരിറ്റി ബോക്സ് ഉദ്ഘാടനം ഹെഡ്മിസ്ട്രസ് സിസ്റ്റർ റിനി മരിയ നിർവഹിച്ചു. സ്കൂൾ ലോക്കൽ മാനേജർ സിസ്റ്റര് പോൾസി അധ്യക്ഷത വഹിച്ചു. പ്രിൻസിപ്പൽ സിസ്റ്റർ നമിത ആമുഖ പ്രഭാഷണം നടത്തി.
പിടിഎ വൈസ് പ്രസിഡന്റ്സോണി മാത്യു പാമ്പയ്ക്കൽ, സ്വാഗതവും സിസ്റ്റർ ബെൽസി നന്ദിയും പറഞ്ഞു.പിടിഎ അംഗങ്ങളും ജീവനക്കാരും കലാപരിപാടികൾ അവതരിപ്പിച്ചു.
