പെരുമ്പാവൂർ : ഗാർഹിക ഉപഭോക്തക്കൾക്ക് ഈ മാസം വൈദ്യുത ചാർജ്ജ് ഒഴിവാക്കി നൽകണമെന്ന് ആവശ്യപ്പെട്ട് എൽദോസ് കുന്നപ്പിള്ളി എം.എൽ.എ വൈദ്യുതി വകുപ്പ് മന്ത്രി എം.എം മണിക്ക് കത്ത് നൽകി. കൊറോണ വൈറസ് വ്യാപനവുമായി ബന്ധപ്പെട്ടു ലോക് ഡൗൺ പ്രഖ്യാപിച്ച സാഹചര്യത്തിൽ കുടുംബങ്ങളുടെ വരുമാനം ഇല്ലാതെയായ അവസ്ഥയാണ് ഇപ്പോൾ നിലവിലുള്ളത് . സർക്കാർ നൽകുന്ന നിർദേശങ്ങൾ പൂർണ്ണമായും പാലിച്ചു ജനങ്ങൾ എല്ലാം സുരക്ഷിതരായി അവരുടെ വീടുനുളിൽ തങ്ങുകയാണ്. ഇപ്പോൾ ഇവരുടെ വരുമാനം ഇല്ലാതായിരിക്കുകയാണ്.
![](https://i0.wp.com/kothamangalamnews.com/wp-content/uploads/2024/07/alfalah.jpeg?resize=600%2C750&ssl=1)
സാധാരണക്കാരായ കുടുംബങ്ങൾക്ക് വൈദ്യുതി ചാർജ്ജ് ഒഴിവാക്കി നൽകുന്നത് ഏറെ ആശ്വാസം നൽകുമെന്ന് എം.എൽ.എ പറഞ്ഞു. ലോക്ക് ഡൗൺ കഴിയുന്നത് വരെ ജോലിക്കോ മറ്റു വരുമാന മാർഗങ്ങൾ തേടാനോ സാധിക്കാത്ത ഈ അവസ്ഥയിൽ നമ്മുടെ സംസ്ഥാനത്തെ കുടുംബങ്ങൾക്ക് ഒരു മാസം വൈദ്യുതി ചാർജ്ജ് ഒഴിവാക്കി നൽകുന്നതിനുള്ള നടപടികൾ സ്വീകരിക്കണമെന്ന് മുഖ്യമന്ത്രിയോടും എം.എൽ.എ ആവശ്യപ്പെട്ടു.
![](https://kothamangalamnews.com/wp-content/uploads/2023/11/kothamangalamnews.png)