കോതമംഗലം : എസ്എഫ്ഐ ഏരിയ കമ്മിറ്റിയുടെ നേതൃത്വത്തിൽ ഇടമലയാർ ഗവ യുപി സ്കൂളിലെ മുഴുവൻ വിദ്യാർഥികൾക്കും പഠനോപകരണ കിറ്റ് വിതരണം ചെയ്തു. ഡിവൈഎഫ്ഐ സംസ്ഥാന പ്രസിഡന്റ് എസ് സതീഷ് ഉദ്ഘാടനം നടത്തി. വിദ്യാർത്ഥികൾക്കുവേണ്ടി സ്കൂൾ ഹെഡ്മാസ്റ്റർ ഒ പി ജോയ് കിറ്റുകൾ എറ്റുവാങ്ങി. ആദിവാസി മേഖലകളിലെ കുട്ടികൾ പഠിക്കുന്ന സ്കൂളാണ് ഇടമലയാർ ഗവ യൂ പി സ്കൂൾ. എസ്എഫ്ഐ ഏരിയ പ്രസിഡന്റ് വി ജി എൽദോസ് അധ്യക്ഷനായി. എരിയാ സെക്രട്ടറി ജോജിഷ് ജോഷി, സ്കൂൾ അദ്ധ്യാപകരായ സജിൻ പി ദേവൻ, ബീന മാർട്ടിൻ എന്നിവർ പങ്കെടുത്തു. ഏരിയ കമ്മിറ്റിക്ക് കീഴിലുള്ള വിവിധ സ്കൂളുകളിൽ പഠനോപകരണ വിതരണം നടത്തുമെന്ന് എസ്എഫ്ഐ കോതമംഗലം ഏരിയ കമ്മിറ്റി അറിയിച്ചു.
