കോതമംഗലം: കാൻസൽ കാൻസർ ക്യാമ്പെയിന് കോതമംഗലം മുനിസിപ്പാലിറ്റിയിൽ തുടക്കമായി. ആൻ്റണി ജോൺ എം എൽ എ ഉദ്ഘാടനം ചെയ്തു. കോതമംഗലം മുനിസിപ്പാലിറ്റിയുടേയും എം ബി എം എം എച്ച് – കാർക്കിനോസ് കമ്യൂണിറ്റി ക്യാൻസർ സെൻ്ററിൻ്റെയും സംയുക്ത ആഭിമുഖ്യത്തിലാണ് ക്യാമ്പെയിൻ നടത്തുന്നത്. ഒക്ടോബർ 20-ാം തിയതി വരെ മുനിസിപ്പാലിറ്റിയുടെ വിവിധ പ്രദേശങ്ങളിലെ 11 കേന്ദ്രങ്ങളിലാണ് ക്യാമ്പെയ്ൻ സംഘടിപ്പിക്കുന്നത്.
മുനിസിപ്പൽ ചെയർമാൻ കെ കെ ടോമി അധ്യക്ഷത വഹിച്ച ചടങ്ങിൽ വൈസ് ചെയർപേഴ്സൺ സിന്ധു ഗണേശൻ,കൗൺസിലർമാരായ കെ എ നൗഷാദ്,കെ വി തോമസ്,സിജോ വർഗീസ്, എ ജി ജോർജ്,രമ്യ വിനോദ്, ബിൻസി തങ്കച്ചൻ, പ്രവീണ ഹരീഷ്,മുൻ എം എൽ എ റ്റി യു കുരുവിള,കാർക്കിനോസ് സി ഇ ഒ ഡോക്ടർ മോനി എബ്രഹാം കുര്യാക്കോസ്,ഡയറക്ടർ ഡോക്ടർ കെ രാംദാസ്,എം ബി എം എം ആശുപത്രി സെക്രട്ടറി സി ഐ ബേബി എന്നിവർ സന്നിഹിതരായിരുന്നു.
