മൂവാറ്റുപുഴ: മൂവാറ്റുപുഴയാറില് ഒഴുക്കില്പ്പെട്ട് കാണാതായ വയോധികയുടെ മൃതദേഹം കണ്ടെത്തി. ചൊവ്വാഴ്ച ഉച്ചയോടെ ലതാക്കടവില് നിന്ന് ഒഴുക്കിപ്പെട്ട് കാണാതായ തൊടുപുഴ വെങ്ങല്ലൂര് കോന്നാട്ട് രവിയുടെ ഭാര്യ വത്സലയുടെ മൃതദേഹം വ്യാഴാഴ്ച ഉച്ചയോടെ പെരുവംമൂഴി പാലത്തിന് സമീപത്ത് നിന്നാണ് കണ്ടെത്തിയത്.
കഴിഞ്ഞ ദിവസം അമ്പലത്തില് പോവുകയാണെന്ന് പറഞ്ഞ് വീട്ടില് നിന്നിറങ്ങിയ വത്സലയെ പിന്നീട് കാണാതാവുകയായിരുന്നു.മൂവാറ്റുപുഴ ഫയര്ഫോഴ്സിന്റെയും, സ്കൂബ ടീമിന്റെയും നേതൃത്വത്തില് 2 ദിവസം നീണ്ട പരിശോധന നടത്തിയെങ്കിലും കണ്ടെത്താന് കഴിഞ്ഞിരുന്നില്ല. പ്രതികൂല കാലാവസ്ഥയും, ഒഴുക്കും തെരച്ചിലിന് പ്രതികൂലമായി ബാധിച്ചു.
തുടര്ന്നാണ് വ്യഴാഴ്ച ഉച്ചയോടെ പെരുവംമൂഴി പാലത്തിന് സമീപത്ത് നിന്ന് മൃതദേഹം കണ്ടത്. മൂവാറ്റുപുഴ ഫയര്ഫോഴ്സ് മൃതദേഹേം കരക്കെത്തിച്ചു. മൂവാറ്റുപുഴ ജനറല് ആശുപത്രിയില് പോസ്റ്റ്മോര്ട്ടം നടത്തിയ ശേഷം മൃതദേഹം ബന്ധുക്കള്ക്ക് വിട്ട് നല്കും. മൂവാറ്റുപുഴ പോലീസും സ്ഥലത്തെത്തിയിരുന്നു.
