കവളങ്ങാട് : കേരള സംസ്ഥാന വ്യാപാരി വ്യവസായി സമിതി കവളങ്ങാട് ഏരിയാ സമ്മേളനം നടന്നു. ഊന്നുകൽ സഹകരണബാങ്ക് ഓഡിറ്റോറിയത്തിൽ നടന്ന സമ്മേളനം ടെൽക് ചെയർമാൻ എൻ സി മോഹനൻ ഉദ്ഘാടനം ചെയ്തു. ഏരിയാ പ്രസിഡൻറ് ഒ ഇ അബ്ബാസ് അദ്ധ്യക്ഷത വഹിച്ചു. ഏരിയാസെക്രട്ടറി റാജി വിജയൻ പ്രവർത്തന റിപ്പോർട്ടും, ജില്ലാ ജോയിന്റ് സെക്രട്ടറി എം യു അഷറഫ് സംഘടനാ റിപ്പോർട്ടും അവതരിപ്പിച്ചു. സംസ്ഥാന കമ്മിറ്റി അംഗം എ എസ് ബാലകൃഷ്ണൻ, ജില്ലാ കമ്മിറ്റിഅംഗം കെ എ നൗഷാദ്, സി പി ഐ എം ഏരിയാ സെക്രട്ടറി ഷാജി മുഹമ്മദ്, ഏരിയാകമ്മിറ്റി അംഗം കെ ബി മുഹമ്മദ് എന്നിവർ പ്രസംഗിച്ചു.
വിവിധ മേഘലകളിൽ കഴിവു തെളിയിച്ചവരെ ചടങ്ങിൽ ആദരിച്ചു. സ്വാഗതസംഘം രക്ഷാധികാരി ഷിബു പടപ്പറമ്പത്ത് സ്വാഗതവും, ഏരിയാജോയിന്റ് സെക്രട്ടറി കെ എം കരീം കൃതജ്ഞതയും പറഞ്ഞു. ഭാരവാഹികളായി ഒ ഇ അബ്ബാസ് (പ്രസിഡന്റ്), റാജി വിജയൻ (സെക്രട്ടറി), എം എൻ ബാലഗോപാലൻ (ട്രഷറാർ) എന്നിവരെ തെരഞ്ഞെടുത്തു.
You must be logged in to post a comment Login