നെല്ലിമറ്റം: വളാച്ചിറ ഗ്രാമത്തിൽ നടന്ന നബിദിനാഘോഷവും റാലിയും മദസൗഹാർദ്ദ സമ്മേളനവും അക്ഷരാർത്ഥത്തിൽ കോതമംഗലം താലൂക്കിലെ തന്നെ മദസൗഹാർദ്ദം വിളിച്ചോതുന്ന വലിയ പരിപാടിയായി ജനപങ്കാളിത്തം കൊണ്ട് ശ്രദ്ധേയമായി പൈമറ്റം, വാളാച്ചിറ ,മണിക്കിണർ തുടങ്ങിയ പ്രദേശത്തെ ജാതിഭേദമന്യേയുള്ള ജനങ്ങൾ നബിദിനാഘോഷത്തിൽ പങ്കെടുത്തു.കഴിഞ്ഞ 20 വർഷമായി മുടങ്ങാതെ നടക്കുന്ന പരിപാടിയുടെ ഈ വർഷത്തെ സമാപന പരിപാടി വാളാച്ചിറ യു.പി സ്ക്കൂളിൽ സമ്മേളനത്തോടെ സമാപിച്ചു. മത സൗഹാർദ്ദ സമ്മേളനം പൈമറ്റം മസ്ജിദ് ചീഫ് ഇമാം അൽഷാദ് ബാഖഫി ഉദ്ഘാടനം ചെയ്തു.
വാളാച്ചിറ നൂറുൽ മസ്ജിദ് ഇമാം മുഹമ്മദ് സഖാഫി അദ്ധ്യക്ഷനായി- മക്ക മസ്ജിദ് ഇമാം നൗഫൽ മിസ്ബാഹി, സി.പി.എം.ഏരിയ സെക്രട്ടറി ഷിബു പട പറമ്പത്ത്, ജനതാദൾ (എൽ.ജെ.ഡി ) സംസ്ഥാന സമിതി അംഗം മനോജ് ഗോപി ,കവളങ്ങാട് ഗ്രാമപഞ്ചായത്ത് വൈസ് പ്രസിഡന്റ് ജോബി,ബ്ലോക്ക് പഞ്ചായത്ത് അംഗം റെയ്ചൽ ബേബി, ജനപ്രതിനിധികളായ ഷംസുദ്ദീൻ മക്കാർ,പി.എം. സിദ്ധിക്ക്, എ.എ.രമണൻ, വർഗ്ഗീസ് കൊന്ന നാൽ, സൗമ്യ സനൽ, എ.എം.വർഗ്ഗീസ്, തുടങ്ങിയവർ പ്രസംഗിച്ചു.
You must be logged in to post a comment Login