കോതമംഗലം:ശബരി റെയിൽപാതക്കായി 11(1) വിജ്ഞാപനം പുറപ്പെടുവിച്ച ഭൂമിയുടെ ജപ്തി നടപടി നിർത്തിവയ്ക്കാൻ സർക്കാർ അടിയന്തിരമായി ഇടപെടണമെന്ന് ശബരി സമരസമിതി ആവശ്യപ്പെട്ടു.
എൽ.എ. ആക്ട് 2013ലെ സെക്ഷൻ 11 (1) പ്രകാരമുള്ള വിജ്ഞാപനം കഴിഞ്ഞ മാർച്ച് 14 ന് പ്രസിദ്ധീകരിച്ചിരുന്നു. എറണാകുളം, ഇടുക്കി, കോട്ടയം എന്നീ ജില്ലകളിലായി അങ്കമാലി മുതൽ എരുമേലി വരെയുള്ള സ്ഥലങ്ങളിലായി 305.71 ഹെക്ടർ ഭൂമി ഏറ്റെടുക്കാനാണ് അന്നത്തെ സർക്കാർ തീരുമാനമുണ്ടായതും ജില്ലാ കളക്ടർമാർക്ക് നിർദ്ദേശം നൽകിയതും. ഈ പ്രദേശങ്ങളിലെ ഭൂമിയുടെ വിൽപ്പനയും കൈമാറ്റവും നിയമപ്രകാരം നിയന്ത്രണങ്ങൾ ഏർപ്പെടുത്തിയിട്ടുണ്ട്.
എന്നാൽ സ്ഥലമേറ്റെടുപ്പ് തുടങ്ങിയിട്ടുമില്ല.ഈ സാഹചര്യത്തിൽ 11 (1) വിജ്ഞാനം പുറപ്പെടുവിച്ച സർവ്വേ നമ്പറിലുള്ള ഭൂ ഉടമകളുടെ ബാങ്ക് വായ്പാ കുടിശ്ശികയുടെ പേരിലുളള ജപ്തി നടപടികൾ നിർത്തിവയ്ക്കാൻ സർക്കാർ തയ്യാറാകണമെന്നും സംയുക്ത ശബരി സമരസമിതി ജനറൽ കൺവീനർ ഗോപാലൻ വെണ്ടുവഴി ആവശ്യപ്പെട്ടു.























































