കോതമംഗലം: മാർ അത്തനേഷ്യസ് കോളേജിലെ പ്രജ്ഞ – സെന്റർ ഫോർ ഇന്ത്യൻ നോളജ് സിസ്റ്റവും ചരിത്രവിഭാഗവും സംയുക്തമായി കളമെഴുത്ത് പാട്ട് ശില്പശാല സംഘടിപ്പിച്ചു. പാരമ്പര്യ കലാകാരനായ കടന്നമണ്ണ ശ്രീനിവാസൻ നയിച്ച ശില്പശാലയിൽ കളം പാട്ടിൻ്റെ കലാപരവും സാംസ്കാരികവുമായ സവിശേഷതകൾ വിശദമാക്കി.
വിദ്യാർത്ഥികളിൽ കേരളത്തിന്റെ പരമ്പരാഗത കലാരൂപങ്ങളെയും അനുഷ്ഠാനകലകളെയും കുറിച്ചുള്ള അവബോധം വളർത്തുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്. കോളേജ് അഡ്മിനിസ്ട്രറ്റീവ് ഡീൻ ഡോ. സ്മിത തങ്കച്ചൻ ചടങ്ങ് ഉദ്ഘാടനം ചെയ്തു. ഡോ. ജാനി ചുങ്കത്ത്, ഡോ.എം. എം. സിബി , ഡോ.കെ രമ്യ എന്നിവർ നേതൃത്വം നൽകി.
