കോതമംഗലം: ഹൈക്കോടതി ഉത്തരവുകൾ കാറ്റിൽ പറത്തി നഗരത്തിൽ വീണ്ടും ഫ്ലക്സ് ബോർഡുകൾ സ്ഥാനം പിടിച്ചു .കോതമംഗലം നഗരസഭയുടെ അറിവുടെയാണ്ന ഗരസഭയ്ക്ക് മുന്നിലും കോതമംഗലം പോസ്റ്റ് ഓഫീസ് ജംഗ്ഷനിലും വലിയ ഫ്ലക്സ് ബോർഡുകൾ സ്ഥാപിച്ചിരിക്കുന്നതെന്നാണ് ആരോപണം.
കാൽനടയാത്രക്കാർക്ക് പോലും നടക്കാൻ ദുരിതമായ തിരക്കേറിയ പോസ്റ്റ് ഓഫീസ് ജംഗ്ഷനിൽ മാത്രം ആറ്ഫ്ലക്സ് ബോർഡുകൾ ഉയർന്നിട്ടുണ്ട്. യുഡിഎഫ് അനുകൂല ഫ്ലക്സ് ബോർഡുകൾ ആയതുകൊണ്ട് നഗരസഭ നടപടി എടുക്കുന്നില്ലെന്നാണ് ആരോപണം.നിരവധി തവണ യാത്രക്കാർ നഗരസഭ അധികൃതർക്ക് പരാതി നൽകിയിട്ടും യുഡിഎഫ് ഭരണസമിതി കണ്ടില്ലെന്നു നടിക്കുന്നതായും ആക്ഷേപമുണ്ട്.
