കോതമംഗലം: പൊതുവിദ്യാഭ്യാസ സംരക്ഷണ യജ്ഞത്തിൻ്റെ ഭാഗമായി കവളങ്ങാട് സഹകരണ ബാങ്ക് പ്രവർത്തന പരിധിയിലെ വിവിധ സർക്കാർ സ്കൂളുകളിൽ ഒന്നാം ക്ലാസിൽ പ്രവേശനം നേടിയ കുട്ടികൾക്കായി സൗജന്യ സ്കൂൾ ബാഗുകൾ വിതരണം ചെയ്തു. ബാങ്ക് പ്രസിഡൻ്റ് യാസർ മുഹമ്മദ് വിതരണോദ്ഘാടനം നിർവഹിച്ചു.
മണിമരുതുംചാൽ ഗവ എൽ പി സ്കൂളിൽ നടന്ന ചടങ്ങിൽ ബാങ്ക് സെക്രട്ടറി എം. കെ. അനീഷ് കുമാർ , ഭരണസമിതി അംഗം എം. ഡി. ബാബു എന്നിവർ പങ്കെടുത്തു.
വിവിധ സ്കൂളുകളിലെ വിതരണത്തിന് ബാങ്ക് ഭരണസമിതി അംഗങ്ങൾ നേതൃത്വം നൽകി. നേര്യമംഗലം സ്കൂളിൽ ഭരണസമിതി അംഗം പി. ബി. വിനയൻ , പൈമറ്റം സ്കൂളിൽ ഭരണസമിതി അംഗങ്ങളായ വി. എസ് നൗഫൽ ,ടി. എം റിയാസ് . എന്നിവരും സ്കൂൾ പ്രധാന അധ്യാപകർക്ക് ബാഗുകൾ കൈമാറി.
