കോതമംഗലം: നിയമസഭാ തെരഞ്ഞെടുപ്പില്‍ ഉജ്ജ്വല വിജയം നേടിയതിന് പിന്നാലെ നിയുക്ത എംഎല്‍എ ഷിബു തെക്കുംപുറം ജനങ്ങള്‍ നല്‍കിയ വന്‍ പിന്തുണയ്ക്ക് നന്ദി അറിയിക്കുന്നതിനായി മണ്ഡലം പര്യടനം ആരംഭിച്ചു.നിയോജകമണ്ഡലം തല ഉദ്ഘാടനം അഡ്വ. ഡീന്‍ കുര്യാക്കോസ് എം.പി നിര്‍വഹിച്ചു.
വോട്ടര്‍മാരോട് നേരിട്ട് നന്ദി അറിയിക്കുകയും ജനങ്ങളുമായി കൂടുതല്‍ അടുത്തിടപഴകുകയും ചെയ്യുന്നതാണ് പര്യടനത്തിന്റെ പ്രധാന ലക്ഷ്യം. യുഡിഎഫ് നേതാക്കളായ ഷമീര്‍ പനക്കല്‍, ബാബു ഏലിയാസ്, കെ.പി. ബാബു, ഭാനുമതി രാജു, അബു മൊയ്തീന്‍, കെ പി ജലീല്‍, എ ടി പൗലോസ്, ജോമി തെക്കേക്കര, ബാബു പോള്‍, എന്‍ സി ചെറിയാന്‍, എം കെ വേണു, കെ കെ സുരേഷ്, പി ആര്‍ അജി, സുരേഷ് ആലപ്പാട്ട്, ഡി കോരാ, എം വി റെജി, പഞ്ചായത്ത് പ്രസിഡന്റ്മാരായ ഉമേഷ് ശിവകുമാര്‍, നസീറ സലീം, മുന്‍സിപ്പല്‍ കൗണ്‍സിലേഴ്സ്, വാര്‍ഡ് മെമ്പര്‍മാര്‍ എന്നിവര്‍ പങ്കെടുത്തു.
കാരക്കുന്നത്ത് നിന്ന് ആരംഭിച്ച യാത്ര നഗരസഭയിലും കോട്ടപ്പടി പ്രദേശങ്ങളിലുമുള്ള വിവിധ കേന്ദ്രങ്ങളിലൂടെ സഞ്ചരിച്ചു. പര്യടനം രാത്രി നെല്ലിക്കുഴിയില്‍ സമാപിക്കും.വെള്ളിയാഴ്ച പിണവൂര്‍കുടിയില്‍ നിന്ന് ആരംഭിക്കുന്ന പര്യടനം കുട്ടംപുഴ, കീരംപാറ, വാടാട്ടുപാറ തുടങ്ങിയ മേഖലകളിലൂടെ പുരോഗമിക്കും.
