കോതമംഗലം: കാറ്റ് വീണ്ടും നാശം വിതച്ചു. കീരമ്പാറ, പോത്തനിക്കാട്, വാരപ്പെട്ടിപഞ്ചായത്തുകളിൽ 3.155 ലക്ഷം രൂപയുടെ കൃഷിനാശം .തിങ്കളാഴ്ച വൈകുന്നേരം കോതമംഗലം ബ്ലോക്കിലെ കീരമ്പാറ, പോത്തനിക്കാട്, വാരപ്പെട്ടി
എന്നീ പഞ്ചായത്തുകളിൽ മഴക്കൊപ്പമുണ്ടായ കാറ്റിൽ വ്യാപക കൃഷി നാശം ഉണ്ടായി.ഏകദേശം 17 കർഷകരുടെ വിളകൾക്കാണ് നഷ്ടം ഉണ്ടായിട്ടുള്ളത്. 635 കുലച്ച എത്ത വാഴകൾ, 300 കുലക്കാത്ത വാഴകൾ, കായ്ഫലമുള്ള 6 ജാതികൾ, എന്നിവയ്ക്കാണ് നാശം സംഭവിച്ചിത്. ഏറ്റവും കൂടുതൽ നാശനഷ്ടം ഉണ്ടായത് പോത്തനിക്കാട് പഞ്ചായത്തിലാണെന്ന് കൃഷി അസിസ്റ്റൻ്റ് ഡയറക്ടർ പ്രിയമോൾ തോമസ് പറഞ്ഞു.
