പോത്താനിക്കാട്: തെക്കേപുന്നമറ്റം പുള്ളോലില് ജേക്കബ് ഈ വര്ഷവും ഏഴ് ടണ് കണിവെള്ളരിക്ക ഉല്പ്പാദിപ്പിച്ച് വിറ്റഴിച്ച് നാട്ടില് താരമായി. മികച്ച പച്ചക്കറി കര്ഷകനായി സംസ്ഥാന തലത്തിലും ജില്ലാ തലത്തിലും നിരവധി പുരസ്കാരങ്ങള് നേടിയിട്ടുള്ള ജേക്കബ് പോത്താനിക്കാട് കാര്ഷിക വിപണിയിലേക്ക് മാത്രം രണ്ട് ടണ് വെള്ളരിക്ക ഇന്നലെ വില്പ്പനയ്ക്കായി എത്തിച്ചു.
തൊടുപുഴ, മൂവാറ്റുപുഴ, വാഴക്കുളം, എറണാകുളം, വൈക്കം തുടങ്ങിയ സ്ഥലങ്ങളിലേക്കായി അഞ്ച് ടണ്ണോളം വെള്ളരിക്ക കയറ്റിവിട്ടു. കിലോയ്ക്ക് 10 രൂപ മുതല് 15 രൂപ വരെയായിരുന്നു ഇന്നലെ ലഭിച്ച വില. ഒരാഴ്ച മുമ്പ് വരെ കണി വെള്ളരിക്ക് 25 രൂപ വരെ ഉണ്ടായിരുന്നതായി കര്ഷകന് പറഞ്ഞു.
