കോതമംഗലം: നഗരത്തിലെ ലിങ്ക് റോഡ് ഇടിഞ്ഞ് ഗര്ത്തം രൂപപ്പെട്ടത് അപകടക്കെണിയാകുന്നു. എഎം റോഡില്നിന്ന് കോണ്ഗ്രസ് ഓഫീസ് വഴി ദേശീയപാതയിലേക്കെത്തുന്ന ലിങ്ക് റോഡിന്റെ അവസാന ഭാഗത്ത് കലുങ്കിനോട് ചേര്ന്നാണ് റോഡ് ഇടിഞ്ഞിട്ടുള്ളത്.
കലുങ്കിന്റെ സംരക്ഷണഭിത്തിയും തകര്ന്നിട്ടുണ്ട്. ടാറിംഗിന്റെ അടിയില് മണ്ണിടിഞ്ഞിരിക്കുന്നതിനാല് വാഹനങ്ങള് അരികു ചേര്ത്താല് കുഴിയിലോ തോട്ടിലോ പതിക്കും. റോഡ് ഇടിഞ്ഞ് ഒരാഴ്ച കഴിഞ്ഞിട്ടും ഇഷ്ടിക വച്ചു മുന്നറിയിപ്പ് നല്കിയിരിക്കുന്നതല്ലാതെ അപകട സാഹചര്യം ഒഴിവാക്കാന് നടപടിയുണ്ടായിട്ടില്ല. വേനല്ക്കാലമായതിനാല് ഒഴുക്കു നിലച്ച തോട്ടില് മാലിന്യം കുന്നുകൂടിയിരിക്കുകയാണ്. ഇവിടെ മാലിന്യം തള്ളുന്നത് തടയാന് നഗരസഭാധികൃതര് നിരീക്ഷണ ക്യാമറകള് സ്ഥാപിക്കാണമെന്നും ആവശ്യം ഉയര്ന്നിട്ടുണ്ട്.
