കോതമംഗലം : “ലഹരി വിമുക്ത നെല്ലിക്കുഴി ” എന്ന മുദ്രാവാക്യത്തിൽ ഊന്നി നെല്ലിക്കുഴി ഗ്രാമപഞ്ചായത്ത് ലഹരി വിമുക്ത ദിനാചരണം സംഘടിപ്പിച്ചു.
ജനങ്ങൾക്കിടയിൽ ലഹരിയെ കുറിച്ച് അവബോധം സൃഷ്ടിക്കുക, ലഹരി വിമുക്ത മനോഭാവം വളർത്തുക, യുവതി യുവാക്കൾക്കിടയിൽ ലഹരിക്കെതിരായി ബോധവൽക്കരണം സംഘടിപ്പിക്കുക എന്നതായിരുന്നു പ്രധാന പ്രമേയം.നെല്ലിക്കുഴി കനാൽ പാലം ജംഗ്ഷനിൽ ഉള്ള സെൻഹ ഓഡിറ്റോറിയത്തിൽ ഗ്രാമപഞ്ചായത്ത് പ്രസിഡന്റ് പി എം മജീദ് അദ്ധ്യക്ഷത വഹിച്ച യോഗം ആന്റണി ജോൺ എംഎൽഎ ഉദ്ഘാടനം ചെയ്തു.
ഗ്രാമപഞ്ചായത്ത് വൈസ് പ്രസിഡന്റ് ശോഭ വിനയൻ സ്വാഗതം ആശംസിച്ചു.സ്ഥിരം സമിതി അദ്ധ്യക്ഷൻമാരായ എൻ ബി ജമാൽ,മൃദുല ജനാർദ്ദനൻ, എം എം അലി,വാർഡ് മെമ്പർമാരായ കെ കെ നാസർ, എം വി റെജി, നാസർ വട്ടേക്കാടൻ തുടങ്ങിയവർ സംസാരിച്ചു. ഗ്രാമപഞ്ചായത്തിന്റെ വിവിധ കോളേജുകളിൽ നിന്നെത്തിയ അധ്യാപകരുടെയും വിദ്യാർത്ഥികളുടെയും ഫ്ലാഷ് മോബ്,ലഹരിക്കെതിരായ സ്കിറ്റുകൾ എന്നിവ അവതരിപ്പിച്ചു. കോതമംഗലം സ്റ്റേഷൻ ഹൗസ് ഓഫീസർ സി ബിജോയ് ലഹരിക്കെതിരെ പ്രതിജ്ഞ ചൊല്ലിക്കൊടുത്തു വിഷയത്തിന്റെ പ്രാധാന്യം ഉൾക്കൊണ്ട് ഗ്രാമപഞ്ചായത്തിൽ എല്ലാ രാഷ്ട്രീയ പാർട്ടി പ്രതിനിധികൾ സാമൂഹ്യ സംഘടന പ്രതിനിധികൾ ബഹുജനങ്ങൾ എന്നിവർ പരിപാടിയിൽ പങ്കാളികളായി.
