കോതമംഗലം: പൂയംകൂട്ടി തട്ടേക്കാട് റോഡിൽ തട്ടേക്കാട് വച്ച് സ്കൂട്ടർ യാത്രക്കാരന് കാട്ടാന ആക്രമണത്തിൽ പരിക്കേറ്റു. കോതമംഗലം പൂയം കൂട്ടി റോഡിൽ രാവിലെയാണ സ്കൂട്ടർ യാത്രികനെതിരെ കാട്ടാനയാക്രമണം നടന്നത്.
തട്ടേക്കാട് – പുന്നേക്കാട് റോഡിൽ രാവിലെ സ്കൂട്ടറിൽ കോതമംഗലത്തേക്ക് വരികയായിരുന്ന
കുട്ടമ്പുഴ സ്വദേശി കപ്പിലാംമൂട്ടിൽ സജി (56) ക്കാണ് പരിക്കേറ്റത്. വയറിന് സാരമായി പരിക്കേറ്റ സജിയെ കോതമംഗലം ധർമ്മഗിരി ആശുപത്രിയിൽ പ്രവേശിപ്പിച്ചു.
ഇന്ന് രാവിലെ എട്ടു മണിയോടെ തട്ടേക്കാട് – പുന്നേക്കാട് റോഡിൽ മാവിൻചുവട് എന്ന സ്ഥലത്ത് വച്ച് റോഡിലൂടെ പാഞ്ഞ് വന്ന കുഞ്ഞിനോടൊപ്പം എത്തിയ പിടിയാന ദേഹത്തേക്ക് വന്നിടിക്കുകയായിരുന്നുവെന്ന് സജി പറഞ്ഞു.
