കോതമംഗലം: വാരപ്പെട്ടി പഞ്ചായത്തിന്റെ 2023-24 വനിത ഘടക പദ്ധതിയിൽ ഉൾപ്പെട്ടുത്തി മെൻസ്ട്രൽ കപ്പ് വിതരണ ഉദ്ഘാടനവും, പൊതുജനാരോഗ്യ നോട്ടീസ് വിതരണ ഉദ്ഘാടനവും നത്തി.
പഞ്ചായത്ത് കമ്മ്യൂണിറ്റി ഹാളിൽ നടന്ന ചടങ്ങിൽ മെൻസ്ട്രൽ കപ്പ് വിതരണ ഉദ്ഘാടനം ബ്ലോക്ക് പഞ്ചായത്ത് വൈസ് പ്രസിഡന്റ് ഡയാന നോബി നിർവഹിച്ചു.യോഗം പഞ്ചായത്ത് പ്രസിഡന്റ് പി. കെ. ചന്ദ്രശേഖരൻ നായർ ഉദ്ഘാടനം നിർവഹിച്ചു.
പഞ്ചായത്ത് വൈസ്പ്രസിഡന്റ് ബിന്ദു ശശി അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗം നിസാമോൾ ഇസ്മായിൽ, പഞ്ചായത്ത് സ്ഥിരം സമിതി ചെയർമാന്മാരായ ദീപ ഷാജു, എം എസ് ബെന്നി, കെ എം സെയ്ത്, പഞ്ചായത്ത് അംഗങ്ങളായ എയ്ഞ്ചൽ മേരി ജോബി, പി പി കുട്ടൻ, കെ കെ ഹുസൈൻ, ദിവ്യ സലി, പ്രിയ സന്തോഷ്, സി. ശ്രീകല , ഷജി ബെസി, വാരപ്പെട്ടി ബ്ലോക്ക് മെഡിക്കൽ ഓഫീസർ ഡോ. അനിത ബേബി ഹെൽത്ത് സൂപ്പർവൈസർ കെ. ആർ. സുഗുണൻ , ആരോഗ്യ പ്രവർത്തകർ ആശാവർക്കർമാർ, ഗുണഭോക്താക്കൾ എന്നിവർ പങ്കെടുത്തു.
