കോതമംഗലം: സ്ഥാനാർത്ഥി പ്രഖ്യാപനത്തിന് മുൻപേ ഡീൻ കുര്യാക്കോസിനായുള്ള ചുവരെഴുത്ത് ആരംഭിച്ചു.
ഇടുക്കി പാര്‍ലമെന്റ് മണ്ഡലത്തില്‍ സിറ്റിംഗ് എം.പി.ആയ ഡീന്‍ കുര്യാക്കോസ് തന്നെ വീണ്ടും യു ഡി എഫ് സ്ഥാനാര്‍ത്ഥിയാകുമെന്ന് ഉറപ്പാണ്.എന്നാല്‍ കോണ്‍ഗ്രസ് സ്ഥാനാര്‍ത്ഥി നിര്‍ണ്ണയം പൂര്‍ത്തീയാക്കി ഔദ്യോഗീക പ്രഖ്യാപനം നടത്തിയിട്ടില്ല. ഔദ്യോഗീക പ്രഖ്യാപനം കാത്തിരിക്കാതെ തന്നെ പ്രവര്‍ത്തകര്‍ പ്രചരണരംഗത്തേക്ക് കടന്നിരിക്കുകയാണ്.കോതമംഗലം മുനിസിപ്പാലിറ്റിയിലെ വിവിധ ഭാഗങ്ങളില്‍ ഡീന്‍ കുര്യാക്കോസിന് വോട്ട് അഭ്യര്‍ത്ഥിച്ചുകൊണ്ടുള്ള ചുവരെഴുത്ത് നടത്തികഴിഞ്ഞു.
മറ്റ് പ്രവര്‍ത്തനങ്ങള്‍ക്കും പ്രവര്‍ത്തകര്‍ തയ്യാറെടുത്ത് കഴിഞ്ഞു.എല്‍ഡിഎഫിന്റെ സ്ഥാനാര്‍ത്ഥിയായി ജോയ്‌സ് ജോര്‍ജിനെ പ്രഖ്യാപിക്കുകയും പ്രചരണം സജീവമാകുകയും ചെയ്തതോടെയാണ് ഡീന്‍ കുര്യാക്കോസിനുവേണ്ടിയുള്ള പ്രചരണവും ആരംഭിച്ചത്.കോണ്‍ഗ്രസിന്റെ സ്ഥാനാര്‍ത്ഥി പട്ടിക ദിവസങ്ങള്‍്ക്കുള്ളില്‍ പുറത്തുവരും.കഴിഞ്ഞ രണ്ട് തവണയും ഡീന്‍ കുര്യാക്കോസ് ആയിരുന്നു സ്ഥാനാര്‍ത്ഥി.ആദ്യ തവണ പരാജയപ്പെട്ടപ്പോള്‍ രണ്ടാംതവണ വന്‍ ഭൂരിപക്ഷത്തോടെ വിജയിക്കുകയും ചെയ്തു.
