ഹീറോ യംഗ്സ് ക്ലബ്ബ് ചികിത്സാ ധനസഹായം നൽകി

കോതമംഗലം : ജോലിക്കിടെ കൈവിരലുകൾ യന്ത്രത്തിൽ കുരുങ്ങി എറണാകുളം മെഡിക്കൽ ട്രസ്റ്റ് ആശുപത്രിയിൽ ചികിത്സയിൽ കഴിയുന്ന അടിവാട് തെക്കേകവല സ്വദേശിയായ യുവാവിന്റെ ചികിത്സക്കായി അടിവാട് ഹീറോ യംഗ്സ് ക്ലബ്ബ് സമാഹരിച്ച തുക പഞ്ചായത്ത് വൈസ്പ്രസിഡന്റ് ഒ ഇ അബ്ബാസിന് ക്ലബ്ബ് ചാരിറ്റി ഓർഗനൈസർ എം പി ഷമീർ കൈമാറി.

ക്ലബ്ബ് പ്രസിഡന്റ് ഹക്കീം മുഹമ്മദ് അദ്ധ്യക്ഷനായി. മുൻ ബ്ലോക്ക് പഞ്ചായത്ത് അംഗം എം എം അബ്ദുൽ റഹ്മാൻ, രക്ഷാധികാരി കെ കെ അഷറഫ്, ചാരിറ്റി ഓർഗനൈസർ എം പി ഷൗക്കത്തലി എന്നിവർ സംസാരിച്ചു.