ശുചിമുറിയില്‍ ഇതരസംസ്ഥാന തൊഴിലാളി മരിച്ചനിലയില്‍

പെരുമ്പാവൂര്‍: പള്ളി ശുചിമുറിയില്‍ ഇതരസംസ്ഥാന തൊഴിലാളിയെ മരിച്ചനിലയില്‍ കണ്ടെത്തി. ആസാം സ്വദേശിയായ മൂവാറ്റുപുഴ മുളവൂര്‍ മുസ്ലിം പള്ളിയ്ക്ക് സമീപം വാടകയ്ക്ക് താമസിക്കുന്ന തവജുല്‍ (23) ആണ് മരിച്ചത്. ഇന്നലെ ഉച്ചയ്ക്ക് ഒന്നരയോടെ പെരുമ്പാവൂര്‍ ബസ് സ്റ്റാന്‍ഡിന് സമീപം മദീന ജുമാ മസ്ജിദിലെ ശുചിമുറിയിലാണ് മരിച്ച നിലയില്‍ കണ്ടെത്തിയത്. കെട്ടിട നിര്‍മാണ തൊഴിലാളിയാണ്. മൃതദേഹം താലൂക്ക് ആശുപത്രി മോര്‍ച്ചറിയില്‍.