ഭാര്യയെ ദേഹോപദ്രവം ഏൽപ്പിച്ചയാൾ അറസ്റ്റിൽ

കോതമംഗലം : ഭാര്യയെ ദേഹോപദ്രവം ഏൽപ്പിച്ചയാൾ അറസ്റ്റിൽ. കടവൂർ മണിപ്പാറ വടക്കും പറമ്പിൽ വീട്ടിൽ രാജൻ (42) നെയാണ് പോത്താനിക്കാട് പോലീസ് അറസ്റ്റ് ചെയ്തത്. ഞായറാഴ്ചയായിരുന്നു സംഭവം കുടുംബ വഴക്കിനെ തുടർന്ന് പ്രകോപിതനായ ഇയാൾ ഭാര്യയെ ഇടിക്കുകയും, കമ്പി വടികൊണ്ട് അടിക്കുകയുമായിരുന്നു. ആശുപത്രിയിൽ ചികിത്സയിലിരിക്കുന്ന ഇവരുടെ കാലിന്‍റെ എല്ലിന് പൊട്ടലുണ്ട്. അന്വേഷണ സംഘത്തിൽ ഇൻസ്പെക്ടർ പി.എച്ച്.സമീഷ്, എ.എസ്.ഐ എം.എസ്.മനോജ്, എസ്.സി.പി.ഒ മാരായ അജീഷ് കുട്ടപ്പൻ, ഗിരീഷ്, വി.എം.സൈനബ എന്നിവരാണ് ഉണ്ടായിരുന്നത്.