കോതമംഗലം – കവളങ്ങാടിന് സമീപം കാറും ബൈക്കും കൂട്ടിയിടിച്ച് ഒരാൾക്ക് പരിക്ക്; പരിക്കേറ്റയാളെ എറണാകുളം ജില്ലാ പഞ്ചായത്ത് പ്രസിഡൻ്റിൻ്റെ കാറിലാണ് ആശുപത്രിയിലെത്തിച്ചത്.
കോതമംഗലത്ത് നിന്ന് നേര്യമംഗലം ഭാഗത്തേക്ക് ഒരേ ദിശയിൽ സഞ്ചരിക്കുകയായിരുന്ന കാറും ബൈക്കും തമ്മിലാണ് കൂട്ടിയിടിച്ചത്. ബൈക്കിൻ്റെ ഫുട് റെസ്റ്റിൽ കാറിൻ്റെ ടയർ ഇടിക്കുകയായിരുന്നുവെന്നാണ് നിഗമനം. ഫുട് റെസ്റ്റ് ഒടിഞ്ഞ് തൂങ്ങുകയും കാറിൻ്റെ ടയർ പൊട്ടുകയും ചെയ്തിട്ടുണ്ട്.
ബൈക്ക് യാത്രികനായിരുന്ന മാതിരപ്പിള്ളി സ്വദേശിയുടെ കാലിന് സാരമായ പരിക്കേറ്റിട്ടുണ്ട്. ഈ സമയം അതുവഴി വന്ന ജില്ലാ പഞ്ചായത്ത് പ്രസിഡൻ്റ് ഉല്ലാസ് തോമസ് വാഹനം നിർത്തി രക്ഷാപ്രവർത്തനത്തിൽ പങ്കാളിയാകുകയും പരിക്കേറ്റയാളെ ആശുപത്രിയിലെത്തിക്കാൻ വാഹനം വിട്ടുനൽകുകയുമായിരുന്നു.
🌀കോതമംഗലം വാർത്ത whatsappil ലഭിക്കുവാൻ താഴെ കൊടുത്തിരിക്കുന്ന ലിങ്ക് ഉപയോഗിക്കുക👇
