നെല്ലിക്കുഴി : കോതമംഗലം എക്സൈസ് സർക്കിൾ ഇൻസ്പെക്ടർ പി ശ്രീരാജ് നടത്തിയ മിന്നൽ പരിശോധനയിൽ നെല്ലിക്കുഴി അച്ഛൻപടി ജംഗ്ഷനിൽ നിന്നും 6 ഗ്രാം ബ്രൗൺഷുഗറുമായി ആസം സ്വദേശി അറസ്റ്റിൽ. നെല്ലിക്കുഴിയിലും പരിസരപ്രദേശങ്ങളിലും ഇതര സംസ്ഥാന തൊഴിലാളികൾക്കിടയിൽ മയക്കുമരുന്ന് വിൽപ്പന നടത്തുന്നതിൽ പ്രധാന കണ്ണിയായ തജ്‌മൽ ഹുസൈൻ (34) എന്നയാളെയാണ് അറസ്റ്റ് ചെയ്തത്.
ഒരാഴ്ചയായി ഇയ്യാൾ ഷാഡോ സംഘത്തിൻറെ പ്രത്യേക നിരീക്ഷണത്തിൽ ആയിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു. വരുംദിവസങ്ങളിൽ ലഹരിക്കെതിരെ ശക്തമായ നടപടികൾ ഉണ്ടാകുമെന്ന് പുതുതായി ചാർജെടുത്ത സർക്കിൾ ഇൻസ്പെക്ടർ പി ശ്രീരാജ് അറിയിച്ചു.
സംഘത്തിൽ പ്രവൻ്റിവ് ഓഫീസർമാരായ KA നിയാസ്, ജയ് മാത്യൂസ്, സിദ്ദിഖ് AE, സിവിൽ എക്സൈസ് ഓഫീസർമാരായ KCഎൽദോ, ഉമ്മർ PE, രാഹുൽPT, ബിജു പോൾ വനിതാ സിവിൽ എക്സൈസ് ഓഫീസർ റെൻസി KA എന്നിവർ ഉണ്ടായിരുന്നു.
