നെല്ലിക്കുഴി: നെല്ലിക്കുഴി സപ്ലൈക്കോ സൂപ്പര്മാര്ക്കറ്റില് മോഷണം.
സൂപ്പര് മാര്ക്കറ്റിന്റെ ഒരുവശത്തെ ഷട്ടര് ലോക്ക് തകര്ത്താണ് മോഷ്ടാവ് അകത്ത് കയറിയത്. പരിസരത്തുള്ള ഷോപ്പിലെ സി സി ടി വി യില് മോഷ്ടാവിനെ കുറിച്ചുള്ള വിവരങ്ങൾ ലഭിക്കാന് ഇടയുണ്ടന്നാണ് പോലീസ് നിഗമനം.
മോഷ്ടാവ് അകത്ത് കയറാന് ഉപയോഗിച്ച ഇരുമ്പ് ബാര് ക്യാഷ് കൗണ്ടറിന് മുകളില് നിന്ന് പോലീസിന് ലഭിച്ചിട്ടുണ്ട്. സൂപ്പര് മാര്ക്കറ്റിലെ ശനിയാഴ്ച്ചത്തെ കളക്ഷനും കുടുംബശ്രീയുടെ കുറച്ച് ഫണ്ടുകളും ആണ് നഷ്ടമായിട്ടുളളതെന്ന് സൂപ്പര് മാര്ക്കറ്റ് നടത്തിപ്പുകാര് വെക്തമാക്കി. നഷ്ടപെട്ട തുകയുടെ കണക്ക് എടുത്ത് വരികയാണ്. മറ്റ് സാധനങ്ങള് എന്തങ്കിലും നഷ്ടപെട്ടിട്ടുണ്ടൊ എന്ന് പരിശോധിക്കുന്നു. കോതമംഗലം പോലീസ് കേസെടുത്ത് അന്വേഷണം ആരംഭിച്ചു.വിരലടയാള വിദക്ധരെ അടക്കം സംഭവസ്ഥലത്ത് എത്തിച്ച് തെളിവെടുപ്പ് നടത്താനാണ് പോലീസ് നീക്കം.
