കോതമംഗലം : സമൂഹത്തിലെ വിവിധ മേഖലകളിൽ മാതൃകാപരമായ പ്രവർത്തനം കാഴ്ചവയ്ക്കുന്ന യുവജനങ്ങളെ കണ്ടെത്തി അവർക്ക് പ്രോത്സാഹനം നൽകുക എന്ന ലക്ഷ്യത്തോടെ കേരള സംസ്ഥാന യുവജനക്ഷേമ ബോർഡ് സ്വാമി വിവേകാനന്ദന്റെ പേരിൽ ഏർപ്പെടുത്തിയിട്ടുള്ള പുരസ്ക്കാരത്തിന് എറണാകുളം ജില്ലയിൽ നിന്നും അടിവാട് ഹീറോ യംഗ്സ് ക്ലബ്ബ് & റീഡിംഗ് റൂം അർഹരായി. കഴിഞ്ഞ 25 വർഷക്കാലമായി സാമൂഹിക സാംസ്ക്കാരിക ആരോഗ്യ ശുചീകരണ കലാ-കായീക ജീവ കാരുണ്യ മേഖലകളിൽ സജ്ജീവ സാനിദ്ധ്യമായ് പ്രവർത്തിച്ച് വരുന്ന ഹീറോ യംഗ്സ് ക്ലബ്ബ് ഏറ്റെടുത്ത് നടത്തി വരുന്ന പ്രവർത്തനങ്ങളിലെ മികവാണ് ക്ലബ്ബിനെ ഈ പുരസ്ക്കാരത്തിന് അർഹരാക്കിയത്.
ക്ലബ്ബ് ഇതോടകം നിർദ്ധനരായവർക് വീട് നിർമ്മിച്ച് നൽകിയും നിർദ്ധന യുവതികൾക്ക് വിവാഹ ധനസഹായം നൽകിയും രോഗികൾക്ക് ചികിത്സാ സഹായം നൽകിയും സൗജന്യ ആ ബുലൻസ് സേവനം നൽകിയും ഇന്ന് അശരണരും ആലമ്പഹീനരും ആ യവർക്കും ഒരു അഭയ കേന്ദ്രമായി മാറിയതോടൊപ്പം ഒട്ടനവധി കലാ-കായീക മത്സരങ്ങളിലൂടെ നാട്ടിൽ പ്രതിഭകളെ വാർത്തെടുക്കുന്നതിൽ നിർണ്ണായക പങ്ക് വഹിച്ച് വരുന്നതുമാണ്.ഇതോടൊപ്പം സാമൂഹിക സാംസ്ക്കാരീക ഉന്നമനം ലക്ഷ്യം വച്ചു കൊണ്ടുള്ള സാംസ്ക്കാരീക പ്രവർത്തനങ്ങൾ ഏറ്റെടുത്ത് നടത്തി വരുന്നതോടൊപ്പം പൊതുനിരത്തുകൾ ശുചീകരിക്കുന്നതിലും എക്കാലവും ശ്രദ്ധാലുക്കളാണ് ക്ലബ്ബ് പ്രവർത്തകർ. നാട്ടിൽ വർദ്ധിച്ചു വരുന്ന യുവാക്കളിലെ ലഹരി ഉപയോഗത്തിനെതിരെ ഗ്രാമപഞ്ചായത്തിന്റെ വിവിധ കവലകളിൽ ലഹരിപ്പൊതി മരണപ്പൊതി എന്ന ആശയം ഉയർത്തിപ്പിടിച്ചു കൊണ്ട് ഒരാഴ്ചക്കാലം നീണ്ട് നിൽക്കുന്ന ബോധവത്ക്കരണ പരിപാടികളും ഫിലിം പ്രദർശനം സംഘടിപ്പിച്ചു കൊണ്ടും സാമൂഹീക നന്മയിൽ അധിഷ്ഠിതമായ പ്രവർത്തനവും ക്ലബ്ബ് ഏറ്റെടുത്ത് നടത്തിയിട്ടുണ്ട് .
2018 ലെ പ്രളയകാലത്ത് യാതോരു സുരക്ഷാ സംവിധാനവും ഇല്ലാതെ വിവിധ പ്രദേശത്ത് ക്ലബ്ബ് പ്രവർത്തകർ നടത്തിയ രക്ഷാപ്രവർത്തനങ്ങളും തുടർന്ന് കേരളത്തിന്റെ വിവിധ ഭാഗങ്ങളിൽ ഭക്ഷ്യവസ്തുക്കൾ അടങ്ങിയ കിറ്റുകൾ എത്തിച്ച് നടത്തിയ റിലീഫ് പ്രവർത്തനവും ശുചീകരണ പ്രവർത്തനങ്ങളും , കോവിഡ് മഹാമാരിയിൽ കോവിഡ് രോഗികളെ ആശുപത്രിയിൽ എത്തിക്കുന്നതിനും കോവിഡ് ടെസ്റ്റിനും മറ്റ് അനുബന്ധ യാത്രകൾക്കും 24 മണിക്കൂറും പ്രത്യേകം സജ്ജമാക്കിയ മൂന്ന് സ്വകാര്യ വാഹനങ്ങളുടേയും ക്ലബ്ബിന്റെ ഉടമസ്ഥതയിലുള്ള ആബുലൻസിന്റെ സൗജന്യ സേവനവും മരണപ്പെട്ടവരുടെ സംസ്ക്കാര ചടങ്ങുകൾ എറ്റെടുത്ത് നടത്തിയും പല്ലാരിമംഗലം കമ്യൂണിറ്റി ഹെൽത്ത് സെന്റ്റിൽ സൗജന്യ വോളന്റിയർ സേവനം നടത്തിയും ലോക്ഡൗണിൽ കഷ്ടത അനുഭവിച്ചവർക്ക് ഭക്ഷണ പദാർത്ഥങ്ങൾ എത്തിച്ച് നൽകിയും നാടിന്റെയും നാട്ടുകാരുടേയും അഭയകേന്ദ്രമായി മാറുന്ന രീതിയിലുള്ള ശ്രദ്ധേയമായ പ്രവർത്തനമാണ് ക്ലബ്ബ് പ്രവർത്തകർ ഏറ്റെടുത്ത് നടത്തിയത് . ഇത്തരത്തിൽ സമാനതകളില്ലാത്ത പ്രവർത്തനങ്ങൾ കഴിഞ്ഞ 25 വർഷക്കാലമായി ഏറ്റെടുത്ത് നടത്തി വരുന്നതിനാലാണ് ക്ലബ്ബ് ഈ പുരസ്ക്കാരത്തിന് അർഹരായത്.
തിരുവനന്തപുരം സെട്രൽ സ്റ്റേഡിയത്തിൽ വച്ച് സംഘടിപ്പിച്ച ചടങ്ങിൽ ഫിഷറീസ്, സാംസ്ക്കാരീക, യുവജന കാര്യ വകുപ്പ് മന്ത്രി സജി ചെറിയാനിൽ നിന്നും ക്ലബ്ബ് പുരസ്ക്കാരം ഏറ്റ് വാങ്ങി. ഗതാഗത വകുപ്പ് മന്ത്രി ആന്റണി രാജു അദ്ധ്യക്ഷത വഹിച്ച യോഗത്തിൽ സംസ്ഥാന യുവജനക്ഷേമ ബോർഡ് വൈസ് ചെയർമാൻ എസ് സതീഷ് സ്വാഗതം ആശംസിച്ചു. തിരുവനന്തപുരം കോർപ്പറേഷൻ മേയർ ആര്യാ രാജേന്ദ്രൻ ,ജില്ലാ പഞ്ചായത്ത് പ്രസിഡന്റ് അഡ്വ.ഡി സുരേഷ് കുമാർ തുടങ്ങിയവർ മുഖ്യ അതിത്ഥികളായി ചടങ്ങിൽ സംബന്ധിച്ചു.
ഹീറോ യംഗ്സ് ദുരന്തനിവാരണ സേന കോ-ഓഡിനേറ്ററും മുഖ്യമന്ത്രിയുടെ ഫയർ സർവ്വീസ് അവാർഡ് ജേതാവായ നിഷാദ് സി എ മുൻ ട്രഷറർ ശ്രീജേഷ് പി നായർ കമ്മറ്റി അംഗങ്ങളായ അൻസാർ എം എസ്സ് ,അബിൻസ് കരീം തുടങ്ങിയവരാണ് ക്ലബ്ബിന് വേണ്ടി പുരസ്ക്കാരം ഏറ്റ് വാങ്ങിയത്. പ്രസിഡന്റ് യുഎച്ച് മുഹിയുദ്ധീൻ, സെക്രട്ടറി അഷ്റഫ് സി പി ,ട്രഷറർ വിഷ്ണു പി ആർ ഭാരവാഹികളായിട്ടുള്ള ഭരണസമിതിയാണ് 2022-23 ൽ ക്ലബ്ബിന്റെ പ്രവർത്തനങ്ങൾ ഏറ്റെടുത്ത് നടത്തി വരുന്നത്.
