പല്ലാരിമംഗലം:പല്ലാരിമംഗലം ഗവർമെൻ്റ് ഹയർ സെക്കൻഡറി സ്കൂൾ എസ്പിസി യൂണിറ്റിന്റെയും സ്‌കൂളിലെ വിവിധ ക്ലബുകളുടെയും നേതൃത്വത്തിൽ അടിവാട് ടൗണിൽ യുദ്ധവിരുദ്ധ റാലി നടത്തി. സ്‌കൂളിൽ നിന്നും ആരംഭിച്ച റാലി അടിവാട് ടൗൺ ചുറ്റി തിരികെ സ്‌കൂളിൽ സമാപിച്ചു. യുദ്ധവിരുദ്ധ സന്ദേശങ്ങൾ പകർത്തിയ പ്ലക്കാർഡുകളും മുദ്രാവാക്യങ്ങളും ഉയർത്തിയായിരുന്നു റാലി. കുട്ടികളിൽ യുദ്ധവിരുദ്ധ സന്ദേശം വളർത്തുകയാണ് റാലിയുടെ ലക്ഷ്യം.
എസ്പിസി യൂണിറ്റ്, സോഷ്യൽ സയൻസ് ക്ലബ്, സയൻസ് ക്ലബ്, നാച്ചുറൽ ക്ലബ് എന്നിവയുടെ നേതൃത്വത്തിലായിരുന്നു റാലി. പഞ്ചായത്ത് വൈസ് പ്രസിഡൻ്റ് ഒ ഇ അബ്ബാസ്, പിടിഎ പ്രസിഡന്റ് എൻ എസ് ഷിജീബ്, ഹെഡ്മാസ്റ്റർ സോമ കുമാരൻ, സിപിഒ ബിജു കെ നായർ, സീനിയർ അസിസ്റ്റൻ്റ് മനോശാന്തി തുടങ്ങിയവർ നേതൃത്വം നൽകി.
