കോതമംഗലം: നിരവധി മോഷണ കേസുകളിൽ പ്രതിയായ കോതമംഗലം ഇരമല്ലൂർ നെല്ലിക്കുഴി പാറയിൽ വീട്ടിൽ അൻസിൽ (30) നെ കാപ്പ ചുമത്തി ജയിലിലടച്ചു. ജില്ലാ പോലീസ് മേധാവി കെ.കാർത്തിക്കിന്‍റെ റിപ്പോർട്ടിന്‍റെ അടിസ്ഥാനത്താലാണ് നടപടി. കോതമംഗലം, കുറുപ്പംപടി, കോടനാട്, കുന്നത്തുനാട്, ഹിൽ പാലസ് തുടങ്ങിയ സ്റ്റേഷനുകളിൽ ഇയാൾക്കെതിരെ കേസുകളുണ്ട്. നാല് മോഷണ കേസുകളിൽ ശിക്ഷയനുഭവിച്ചിട്ടുണ്ട്. റൂറൽ ജില്ലയിൽ ഓപ്പറേഷൻ ഡാർക്ക് ഹണ്ടിന്‍റെ ഭാഗമായി ഇതുവരെ 34 പേരെ കാപ്പ ചുമത്തി ജയിൽ അടച്ചു. 31 പേരെ നാടു കടത്തി. കാപ്പ നടപടി തുടരുമെന്ന് എസ്.പി കെ. കാർത്തിക്ക് പറഞ്ഞു.
