എ ആർ വിനയന് പൊതു സമൂഹം വികാരനിർഭരമായ വിട നൽകി.

കോതമംഗലം : വിനയനെന്ന് പേരു പോലെ തന്നെ വിനയമായി കോതമംഗലത്ത് രാഷ്ട്രീയ ജീവിതം നയിച്ച സി പി ഐ കോതമംഗലം മണ്ഡലം സെക്രട്ടറി സഖാവ് എ ആർ വിനയന് സഖാക്കളും പൊതു സമൂഹവും വികാരനിർഭരമായ വിട നൽകി. മരണ വാർത്തയറിഞ്ഞതു മുതൽ ഇരമല്ലൂർ അത്തിപ്പിള്ളിൽ വീട്ടിലേക്ക് പാർട്ടി പ്രവർത്തകരും തന്റെ കർമ്മരംഗങ്ങളിൽ ഒരു പ്രാവശ്യമെങ്കിലും കണ്ടു മുട്ടിയ വരും അവസാനമായി ഒരു നോക്കു കാണാൻ എത്തി. ഇങ്ക്വിലാബ് വിളികൾ മുഴങ്ങിയ അന്തരീക്ഷത്തിൽ വീടിനു തെക്കുവശത്തു ഒരുക്കിയ ചിതയിൽ സഖാവ് എ എർ വിനയൻ എരിഞ്ഞടങ്ങി. സിപി ഐ ജില്ലാ സെക്രട്ടറി പി രാജു രക്ത പതാക പുതപ്പിച്ചു.
അന്തിമ പോ ചാര മർപ്പിക്കുന്നതിനായി നേതാക്കളും പ്രവർത്തകരുമടങ്ങുന്ന നീണ്ട നിര തന്നെയെത്തി. രണ്ടു വട്ടം നെല്ലിക്കുഴി പഞ്ചായത്ത് വൈസ്
പ്രസിഡന്റായി പ്രവർത്തിച്ച നാളുകളിൽ ഔദ്യോഗിക രംഗത്തും രാഷ്ട്രീയ രംഗത്തും കണ്ടു മുട്ടിയ വരും വിട നൽകാൻ എത്തിയിരുന്നു. സി പി ഐ മണ്ഡലം സെക്രട്ടറിയെന്ന നിലയിൽ പ്രവർത്തിച്ചപ്പോൾ കണ്ടുമുട്ടിയ വിവിധ രാഷ്ട്രീയ കക്ഷികളിൽപ്പെട്ടവരും അന്തിമോപചാര മർപ്പിച്ചു.

ആന്റണി ജോൺ എം എൽ എ, സി പി ഐ ജില്ലാ സെക്രട്ടറി പി രാജു , ഇടുക്കി
ജില്ലാ സെക്രട്ടറി കെ കെ ശിവരാമൻ,
ആക്ടിംഗ് സെക്രട്ടറി കെ എൻ സുഗതൻ , അസിസ്റ്റന്റ് സെക്രട്ടറി ഇ കെ ശിവൻ, സംസ്ഥാന കൗൺസിൽ കമ്മറ്റി അംഗങ്ങളായ കമലാ സദാനന്ദൻ ,കെ കെ അഷറഫ്, ബാബു പോൾ, കെ സലിം കുമാർ , ജനയുഗം കൊച്ചി യൂണിറ്റ് മാനേജർ അഡ്വ. ജി
മോട്ടിലാൽ, ജില്ലാ എക്സിക്യൂട്ടീവ് കമ്മറ്റിയംഗങ്ങളായ കെ എൻ ദിനകരൻ ,എൽദോ എബ്രഹാം, ടി സി സൻ ജിത് , സി വി ശശി, മണ്ഡലം സെക്രട്ടറി മാരായ കെ പി റെജി മോൻ ,പി വി ചന്ദ്രബോസ്, എം പി ജോസഫ് , സതീഷ് ബാബു, കോതമംഗലം മണ്ഡലം ആക്ടിംഗ് സെക്രട്ടറി പി റ്റി ബെന്നി, കോതമംഗലം ബ്ലോക്ക് പഞ്ചായത്ത് പ്രസിഡന്റ് പി എ എം ബഷീർ, മുൻ എം പി ജോയ് സ് ജോർജ് , എഫ് ഐ റ്റി ചെയർമാൻ ആർ അനിൽ കുമാർ, സി പി എം ഏരിയാ സെക്രട്ടറി കെ എ ജോയി, നെല്ലിക്കുഴി പഞ്ചായത്ത് പ്രസിഡന്റ് പി എം മജീദ്, തഹസിൽ ദാർ റെയ്ചൽ കെ വർഗീസ്, ജോയിന്റ് കൗൺസിൽ സംസ്ഥാന കമ്മറ്റിയംഗം എസ് കെ
എം ബഷീർ, കോൺഗ്രസ് ഐ ബ്ലോക്ക് പ്രസിഡന്റ് എം എസ് എൽദോസ് ,കേരളാ കോൺഗ്രസ് ജോസഫ് വിഭാഗം ജില്ലാ പ്രസിഡന്റ് ഷിബു തെക്കും പുറം,
ജനാധിപത്യ കേരളാ കോൺഗ്രസ് നിയോജക മണ്ഡലം പ്രസിഡന്റ് ബാബു പോൾ, എ ഐ വൈ എഫ് ജില്ലാ സെക്രട്ടറി കെ ആർ റെനീഷ്, പ്രസിഡന്റ് പി കെ രാജേഷ്, പ്രവാസി ഫെഡറേഷൻ ജില്ലാ പ്രസിഡന്റ് പി കെ രാജീവൻ , സി പി ഐ നെല്ലിക്കുഴി ലോക്കൽ സെക്രട്ടറി പി എ അബ്ദുൾ സലാം,കെ വി മധു (ബി എം എസ് ) എന്നിവർ വീട്ടിലെത്തി അന്തിമോപചാരമർപ്പിച്ചു.
ജില്ലാ സെക്രട്ടറി പി രാജു മൃതദേഹത്തിൽ പുഷ്‌പ ചക്രം അർപ്പിച്ചു.വിവിധ സംഘടന പ്രതിനിധികൾ, ജില്ലാ , ബ്ലോക്ക് , ഗ്രാമ പഞ്ചായത്തു പ്രതിനിധികൾ, ലോക്കൽ സെക്രട്ടറിമാർ ,ട്രേഡ് യൂണിയൻ പ്രതിനിധികൾ എന്നിവരും പുഷ്‌പ ചക്രം അർപ്പിച്ചു.

പടം :
സഖാവ് എ ആർ വി നയന്റെ മൃതദേഹത്തിൽ ജില്ലാ സെക്രട്ടറി പി രാജു രക്ത പതാക പുതപ്പിക്കുന്നു.