കോതമംഗലം : വാരപ്പെട്ടി പഞ്ചായത്തും എൻ എച്ച് 49 കറുകടം അമ്പലംപടിയുമായി ബന്ധിപ്പിക്കുന്ന നടുക്കുടി കടവ് പാലത്തിന്റെ നിർമ്മാണോദ്ഘാടനം ആന്റണി ജോൺ എം എൽ എ അധ്യക്ഷത വഹിച്ച ചടങ്ങിൽ അഡ്വ. ഡീൻ കുര്യാക്കോസ് എം പി നിർവ്വഹിച്ചു. ചടങ്ങിൽ ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് മുഖ്യാതിഥിയായി. പി എം ജി എസ് വൈ എക്സിക്യൂട്ടീവ് എഞ്ചിനീയർ കെ റ്റി സാജൻ റിപ്പോർട്ട് അവതരിപ്പിച്ചു.പഞ്ചായത്ത് പ്രസിഡന്റ് പി കെ ചന്ദ്രശേഖരൻ നായർ സ്വാഗതവും പി എം ജി എസ് വൈ അസിസ്റ്റന്റ് എക്സിക്യൂട്ടീവ് എഞ്ചിനീയർ സാറ സൂര്യ ജോർജ് നന്ദിയും പറഞ്ഞു.
ചടങ്ങിൽ ബ്ലോക്ക് പഞ്ചായത്ത് പ്രസിഡന്റ് പി എ എം ബഷീർ,ജില്ലാ പഞ്ചായത് മെമ്പർ റാണിക്കുട്ടി ജോർജ്ജ്,പഞ്ചായത്ത് വൈസ് പ്രസിഡന്റ് ബിന്ദു ശശി,ബ്ലോക്ക് പഞ്ചായത്ത് വൈസ് പ്രസിഡന്റ് നിസാമോൾ ഇസ്മായിൽ,പഞ്ചായത്ത് മെമ്പർമാരായ പി പി കുട്ടൻ,കെ എം സെയ്ത്,ദീപ ഷാജു,ശ്രീകല സി,എം എസ് ബെന്നി,ബേസിൽ യോഹന്നാൻ,ഷജി ബെസി,പ്രിയ സന്തോഷ്‌,ദിവ്യ സലി,എയ്ഞ്ചൽ മേരി ജോബി,മുനിസിപ്പൽ കൗൺസിലർ സൈനുമോൾ രാജേഷ്,ജില്ലാ പഞ്ചായത്ത് എക്സിക്യൂട്ടീവ് എഞ്ചിനീയർ ശ്രീലത പി ആർ,പഞ്ചായത്ത് സെക്രട്ടറി കെ അനിൽകുമാർ,വിവിധ രാഷ്ട്രീയ പാർട്ടി നേതാക്കളായ പി എസ് നജീബ്,എം പി വർഗീസ്,കെ എസ് അലികുഞ്ഞ്,എം ഐ കുര്യാക്കോസ്,ചെറിയാൻ ദേവസി,മനോജ്‌ ഇഞ്ചൂർ എന്നിവർ സംസാരിച്ചു.
