മാങ്കുളം: പൈങ്ങോട്ടൂർ ശ്രീനാരായണഗുരു കോളേജ് ഓഫ് ആർട്സ് ആൻഡ് സയൻസ് സോഷ്യൽ വർക്ക് വിഭാഗം മാങ്കുളത്തു വച്ചു നടത്തിയ പഞ്ചദിന റൂറൽ ക്യാമ്പ് സമാപിച്ചു. കോളേജ് പ്രിൻസിപ്പൽ ഡോക്ടർ വിജി കെ രാമകൃഷ്ണൻ അധ്യക്ഷത വഹിച്ച സമാപന ചടങ്ങ് മാങ്കുളം ഡിവിഷണൽ ഫോറസ്റ്റ് ഓഫീസർ ജി. ജയചന്ദ്രൻ ഉദ്ഘാടനം ചെയ്തു. മഹാത്മാഗാന്ധി സർവകലാശാല സെക്ഷൻ ഓഫീസർ ബാബു പള്ളിപാട്ട് , സോഷ്യൽ വർക്ക് വിഭാഗംമേധാവി നിതീഷ് കെ. വി, കോളേജ് പി.ആർ.ഓ എം.ബി. തിലകൻ എന്നിവർസംസാരിച്ചു.
പങ്കാളിത്ത അധിഷ്ഠിത ഗ്രാമ വിശകലനം, ബോധവൽക്കരണ ക്ലാസുകൾ, സാമ്പത്തികമായി പിന്നോക്കം നിൽക്കുന്ന വിദ്യാർഥികൾക്ക് പഠനോപകരണ വിതരണം, ആദിവാസി മേഖലയിൽ കോവിഡാനന്തര സർവ്വേയും കുട്ടികൾക്കിടയിൽ പോഷകാഹാരത്തെ സംബന്ധിക്കുന്ന വിവരശേഖരണ സർവേയും സംഘടിപ്പിക്കുകയുണ്ടായി. എൺപതിലധികം നിർധനരായ വിദ്യാർത്ഥികൾക്ക് പഠനോപകരണങ്ങൾ വിതരണം ചെയ്തു. ഗ്രാമപഞ്ചായത്ത്, കേരള വനം വകുപ്പ്, പ്രാഥമിക ആരോഗ്യ കേന്ദ്രം, പട്ടികവർഗ്ഗ വികസന വിഭാഗം തുടങ്ങിയ സർക്കാർ സംവിധാനങ്ങളുടെ പൂർണ സഹകരണത്തോടെയാണ് ക്യാമ്പ് നടത്തപ്പെട്ടത്.
