മുവാറ്റുപുഴ: ജനങ്ങളെ എങ്ങനെ ദ്രോഹിക്കണമെന്ന കാര്യത്തില്‍ കേന്ദ്രവും സംസ്ഥാനവും മത്സരിച്ചാണ് പ്രവര്‍ത്തിക്കുന്നതെന്ന് കേരളാ കോണ്‍ഗ്രസ് ജില്ലാ പ്രസിഡന്റ് ഷിബു തെക്കുംപുറം പ്രസ്താവിച്ചു. കേന്ദ്ര, സംസ്ഥാന സര്‍ക്കാരുകളുടെ ജനദ്രോഹനടപടികള്‍ക്ക് എതിരെ ആയവന മണ്ഡലം കമ്മറ്റി ആയവന പോസ്റ്റോഫീസിന് മുമ്പില്‍ നടത്തിയ മാര്‍ച്ചും, ധര്‍ണ്ണയും ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.രാജ്യത്തെ എല്ലാ സംസ്ഥാനങ്ങളും പെട്രോളിയം ഉല്‍പ്പന്നങ്ങളുടെ വില കുറച്ചപ്പോള്‍ കേരളം മാത്രമാണ് വില കുറയ്ക്കാതിരുന്നതെന്ന് അദ്ദേഹം ചൂണ്ടികാട്ടി. ഇതുമൂലം സംസ്ഥാനത്ത് വിലകയറ്റം അനുദിനം വര്‍ദ്ധിച്ചുകൊണ്ടിരിക്കുകയാണ്. ധര്‍ണ്ണ സമരത്തില്‍ മണ്ഡലം പ്രസിഡന്റ് ജോമി ജോണ്‍ അദ്ധ്യക്ഷത വഹിച്ചു. പാര്‍ട്ടി സംസ്ഥാന ജനറല്‍ സെക്രട്ടറി വിന്‍സന്റ് ജോസഫ് മുഖ്യപ്രഭാഷണം നടത്തി.
ജില്ലാപഞ്ചായത്ത് അംഗം റാണി ജോര്‍ജ്, ബ്ലോക്ക് പഞ്ചായത്ത് പ്രസിഡന്റ് പ്രൊഫ: ജോസ് അഗസ്റ്റിന്‍, റോയി മൂഞ്ഞനാട്ട്, ഷാജി നിരോലിയ്ക്കല്‍, റെബി ജോസ്, ജോളി ഉലഹന്നാന്‍, ജാന്‍സി ജോര്‍ജ്ജ്, ജാഫര്‍ കക്കുറുഞ്ഞി, ജോയി കാക്കനാട്ട്, റിന്‍സണ്‍ ജോര്‍ജ് മുടയ്ക്കാലില്‍, സജീര്‍ പാറയില്‍, അനീസ് കാരിമറ്റം, റാണി റെജി എന്നിവര്‍ പ്രസംഗിച്ചു.
