കോതമംഗലം: എംബിറ്റ്‌സ് എൻജിനീറിങ് കോളേജ് എജ്യൂഫ്യൂചർ എക്സ്സെല്ലെൻസ് അവാർഡിന് അർഹരായി. രാജ്യത്തെ മുൻനിര മാധ്യമ സ്ഥാപനമായ സി ന്യൂസ് ആണ് അവാർഡ് ഏർപ്പെടുത്തിയിരിക്കുന്നത്. മികച്ച കണ്ടുപിടുത്തങ്ങൾ നടത്തിയ എൻജിനീറിങ് കോളേജ് എന്ന വിഭാഗത്തിലാണ് എംബിറ്റ്‌സ് ഈ നേട്ടം കൈവരിച്ചത്. ഈ വിഭാഗത്തിൽ നേട്ടം കൈവരിച്ച ഏക കോളേജും എംബിറ്റ്‌സ് ആണ്.
ഈ വർഷം എംബിറ്റ്‌സ് കരസ്ഥമാക്കുന്ന നാലാമത്തെ അംഗീകാരമാണിത്. നേരത്തെ, രാജ്യത്തെ മികച്ച പ്രിൻസിപ്പാലിനുള്ള അവാർഡ് എംബിറ്റ്‌സ് പ്രിൻസിപ്പൽ ഡോ. പി. സോജൻലാൽ അർഹനായിരുന്നു. കൂടാതെ, പുതിയ വിദ്യാഭ്യാസ കോഡ് 2021 കോം‌പെൻ‌ഡിയത്തിലും എംബിറ്റ്‌സിനെ പട്ടികപ്പെടുത്തിയിരുന്നു. കൂടാതെ എം.എച്ച്.ആർ.ഡി. യും എ.ഐ.സി.ടി.യും സംയുകതമായി നടത്തുന്ന സ്മാർട്ട് ഇന്ത്യ ഹാക്കത്തോണിലും എംബിറ്റ്‌സ് വിജയികളായിരുന്നു.
