കിഡ്നി സംബന്ധമായ അസുഖം മൂലം മരണപ്പെട്ട ഗൗരി ലക്ഷ്മിയുടെ ഓർമ്മയ്ക്കായി അംഗൻവാടി ഒരുങ്ങുന്നു.

കോതമംഗലം: അകാലത്തിൽ പൊലിഞ്ഞു പോയ മകൾ ഗൗരി ലക്ഷ്മിയുടെ ഓർമ്മയ്ക്കായി കോതമംഗലം പടിഞ്ഞാറെക്കര വാര്യത്ത് വീട്ടിൽ ആർ രാജീവ് 5 സെൻ്റ് സ്ഥലം അംഗൻവാടി നിർമ്മിക്കുന്നതിനും,അംഗൻവാടി വഴിക്ക് ആവശ്യമായ സ്ഥലവും സൗജന്യമായി വിട്ടു നൽകി. ആർ രാജീവ് – നിർമ്മല രാജീവ് ദമ്പതികളുടെ 11 വയസ്സുള്ള മകളാണ് കിഡ്നി സംബന്ധമായ അസുഖം മൂലം മരണപ്പെട്ടത്. കോതമംഗലം മുനിസിപ്പാലിറ്റിയിലെ 15-ാം വാർഡിൽ ഗൗരി ലക്ഷ്മി രാജീവ് സ്മാരക അംഗൻവാടിയുടെയും,കമ്മ്യൂണിറ്റി ഹാളിൻ്റെയും,അംഗൻവാടി റോഡിൻ്റെയും നിർമ്മാണോദ്ഘാടനം നടത്തി.

പദ്ധതികളുടെ ഉദ്ഘാടനം ആൻ്റണി ജോൺ എം എൽ എ നിർവ്വഹിച്ചു.ചടങ്ങിൽ മുനിസിപ്പൽ ചെയർപേഴ്സൺ മഞ്ജു സിജു,സി പി ഐ എം ഏരിയ സെക്രട്ടറി ആർ അനിൽ കുമാർ, കൗൺസിലർമാരായ പി ആർ ഉണ്ണികൃഷ്ണൻ,കെ വി തോമസ്,ഹരി എൻ വൃന്ദാവൻ,ജോർജ് അമ്പാട്ട്,ആർ രാജേഷ്,ആർ രാജീവ് എന്നിവർ സന്നിഹിതരായിരുന്നു.ചടങ്ങിൽ വിവിധ മേഖലകളിൽ മികവു തെളിയിച്ചവരെ ആദരിച്ചു.