നെല്ലിക്കുഴി: കോവിഡ് പ്രതിരോധ പ്രവര്ത്തനങ്ങള്ക്ക് ഏറ്റവും ആവശ്യമായ സാനിറ്റൈസര്,കയ്യുറ,മാസ്ക്ക് തുടങ്ങിയ ഉല്പ്പന്നങ്ങള് കോതമംഗലം പോലീസ് സ്റ്റേഷനിലേക്ക് കൈമാറി നെല്ലിക്കുഴിയിലെ ജീവകാരുണ്യ പ്രവര്ത്തകന് നൗഷാദ് മണിമല നാടിന് മാതൃകയായി. കോതമംഗലം പോലീസ് ഓഫീസര് ലിബു തോമസിന്റെ നേതൃത്വത്തില് ഇവ നൗഷാദില് നിന്ന് ഏറ്റുവാങ്ങി. നെല്ലിക്കുഴിയില് കോവിഡ് കേസുകള് വര്ദ്ധിച്ചിരിക്കെ നിരവധി കുടുംബങ്ങളാണ് പുറത്തിറങ്ങാന് ആകാതെ വീടുകളില് കഴിയുന്നത്. ഇവര്ക്ക് ആവശ്യമായ ഭക്ഷ്യ വസ്തുക്കളും മരുന്നുകളും എത്തിച്ച് നല്കി മാതൃകാ പ്രവര്ത്തനം നടത്തുകയാണിപ്പോള് നൗഷാദ് മണിമല.
നെല്ലിക്കുഴിയിലെ പല നിര്ധന കുടുംബങ്ങള് ക്കും സഹായം വാങ്ങി നല്കാന് മുന്നിട്ടിറങ്ങിയിട്ടുളള നൗഷാദ് നെല്ലിക്കുഴിയിലെ മാതൃകാപൊതുപ്രവര്ത്ത കനാണ്. ക്വാറന്റേനില് ഒറ്റപെട്ട് കഴിയുന്ന കുടുബങ്ങള്ക്ക് ആശ്രയമാകുന്ന നൗഷാദ് മണിമല നെല്ലിക്കുഴിയുടെ അഭിമാനമാവുകയാണിപ്പോള്.
