കോതമംഗലം: പോത്താനിക്കാട് പഞ്ചായത്തിൻ്റെ നേതൃത്വത്തിൽ ഗ്രേസ് ഓഡിറ്റോറിയത്തിൽ ആരംഭിച്ച കോവിഡ് ഫസ്റ്റ് ലൈൻ ട്രീറ്റ്മെൻ്റ് സെൻ്ററിലേക്കാവശ്യമായ ബെഡ്, ബെഡ്ഷീറ്റ്, തലയിണ എന്നിവ റെഡ് ക്രോസ് പോത്താനിക്കാട് വില്ലേജ് യുണിറ്റ് നല്കി. റെഡ് ക്രോസ് കോതമംഗലം താലൂക്ക് ചെയർമാൻ ജോർജ് എടപ്പാറ പഞ്ചായത്തു പ്രസിഡൻ്റ് ശാന്തി എബ്രഹാമിനു അവശ്യവസ്തുക്കൾ കൈമാറിക്കൊണ്ട് ഉദ്ഘാടനം നിർവ്വഹിച്ചു. ചടങ്ങിൽ റെഡ് ക്രോസ് പോത്താനിക്കാട് വില്ലേജ് യൂണിറ്റ് ചെയർമാൻ ലോറൻസ് എബ്രഹാം അദ്ധ്യക്ഷത വഹിച്ചു. പഞ്ചായത്തു വൈസ് പ്രസി ജെറിഷ് തോമസ്, ആരോഗ്യസ്ഥാൻഡിംഗ് കമ്മറ്റി ചെയർപേഴ്സൺ ആൻസി മാനുവൽ,.ജോബി ജോർജ്, ബാബു ജോർജ് പിച്ചാപ്പിള്ളി, മാത്യൂസ് അഞ്ചേരിൽ, ബിജു പടിഞ്ഞാറ്റിൽ, ജേക്കബ് മടത്തിക്കുടി എന്നിവർ പങ്കെടുത്തു.
