കോതമംഗലം : വാരപ്പെട്ടി ഗ്രാമ പഞ്ചായത്തിലെ അറാക്കൽ വീട്ടിലെ ബിജു തങ്കപ്പന്റെയും ശ്രീകലയുടെയും മകളായ 11 വയസുകാരി ലയ ബി നായർ നവംബർ 12-ാം തിയതി വേമ്പനാട്ടു കായലിൽ 4.30 കിലോ മീറ്റർ ഇരു കൈകളും ബന്ധിച്ച് ലോക ഗിന്നസ് ബുക്കിലെക്ക് നീന്തുവാൻ തയ്യാർ എടുക്കുകയാണ്. ലയ കോതമംഗലം സെന്റ് അഗസ്റ്റ്യൻസ് ഗേൾസ് സ്കൂളിലെ ആറാം ക്ലാസ്സ്‌ വിദ്യാർത്ഥിനിയാണ്. നീന്തലിനോട് അനുബന്ധിച്ച് ഇന്ന് (22/10/2022) വാരപ്പെട്ടി പഞ്ചായത്തിലെ നീന്തൽ കുളത്തിൽ പ്രദർശന നീന്തൽ മത്സരം സംഘടിപ്പിച്ചു. ഗ്രാമപഞ്ചായത്ത് പ്രസിഡന്റ് പി കെ ചന്ദ്രശേഖരൻ നായർ അധ്യക്ഷത വഹിച്ച ചടങ്ങിൽ ആന്റണി ജോൺ എം എൽ എ നീന്തൽ മത്സരം ഉദ്ഘാടനം ചെയ്തു.
ബ്ലോക്ക്‌ പഞ്ചായത്ത് മെമ്പർ ഡയാന നോബി,മെമ്പർമാരായ ശ്രീകല സി,കെ കെ ഹുസൈൻ,എയ്ഞ്ചൽ മേരി ജോബി, ദിവ്യ സലി, വിവിധ രാഷ്ട്രീയ പാർട്ടി നേതാക്കളായ കെ സി അയ്യപ്പൻ,എം പി വർഗീസ്,നിർമല മോഹനൻ,പി കെ നജീബ്,അനന്തു സജീവൻ,റെജിന,ടി എം ബേബി,പ്രദേശവാസികൾ എന്നിവർ ചടങ്ങിൽ പങ്കെടുത്തു.
