പെരുമ്പാവൂര്‍: അങ്കമാലിയില്‍ പോലീസിന്റെ വന്‍ മയക്ക്മരുന്ന് വേട്ട. നൂറ്റിയമ്പത് ഗ്രാം എം.ഡി.എം.എയുമായി രണ്ട് യുവാക്കള്‍ പിടിയില്‍. പെരുമ്പാവൂര്‍ ചേലാമറ്റം ചിറക്കല്‍ ജോണ്‍ ജോയി (22), കുറുമശേരിയില്‍ താമസിക്കുന്ന ചേലാമറ്റം പള്ളിയാന ശ്യാം (27) എന്നിവരെയാണ്
ഡിസ്ട്രിക്റ്റ് ആന്റി നര്‍ക്കോട്ടിക്ക് സ്‌പെഷല്‍ ആക്ഷന്‍ ഫോഴ്‌സും, അങ്കമാലി പോലീസും ചേര്‍ന്ന് പിടികൂടിയത്. ജില്ലാ പോലീസ് മേധാവി വിവേക് കുമാറിന് ലഭിച്ച രഹസ്യ വിവരെത്ത തുടര്‍ന്ന് നടത്തിയ പരിശോധനയിലാണ് ഇവര്‍ പിടിയിലായത്. കൃഷ്ണഗിരിയില്‍ നിന്നുമാണ്
പ്രതികള്‍ എം.ഡി.എം.എ കൊണ്ടുവന്നത്. വിദ്യാര്‍ത്ഥികള്‍ക്കും, യുവാക്കള്‍ക്കും വില്‍ക്കുകയായിരുന്നു ലക്ഷ്യം. ലക്ഷങ്ങള്‍ വില വരുന്ന
മയക്ക്മരുന്നാണ് പിടികൂടിയത്. ഇതിന് മുമ്പും ഇവര്‍ മയക്കുമരുന്ന് കടത്തിയതായി സൂചനയുണ്ട്. കാറില്‍ പ്രത്യേക അറയുണ്ടാക്കി
അതിലാണ് കടത്തിയത്. കാറും കസ്റ്റഡിയിലെടുത്തു. നര്‍ക്കോട്ടിക്ക് സെല്‍ ഡി.വൈ.എസ്.പി പി.പി.ഷംസ്, ഇന്‍സ്‌പെക്ടര്‍ പി.ലാല്‍കുമാര്‍, എസ്
ഐ ഷാഹുല്‍ ഹമീദ്, എ എസ് ഐ എം.എസ്.വിജേഷ്, എം.എം.കബീര്‍ തുടങ്ങിയവര്‍ ചേര്‍ന്നാണ് പിടികൂടിയത്.
