കോതമംഗലം: ലയൺസ് ക്ലബ് ഇന്റർനാഷണൽ ഡിസ്ട്രിക്ട് 318 സിയുടെ 2026–2027 വർഷത്തെ സേവന പദ്ധതികൾ പൊതുജനങ്ങളിലെത്തിക്കുക എന്ന ലക്ഷ്യത്തോടെ വാഹന പ്രചാരണ ജാഥ നടത്തി.
മുനിസിപ്പൽ കൗൺസിലർ അഡ്വ. ഷിബു കുര്യാക്കോസ് ഫ്ലാഗ് ഓഫ് നിർവഹിച്ചു.റീജിയൻ 5 ചെയർമാൻ സോണി എബ്രഹാം അധ്യക്ഷത വഹിച്ചു. ടി. ജെ. ജോർജ് മുഖ്യപ്രഭാഷണം നടത്തി. 2026–2027 വർഷത്തിൽ ഡിസ്ട്രിക്ട് 318Cയുടെ നേതൃത്വത്തിൽ 50 കോടി രൂപയുടെ സേവന പദ്ധതികൾ നടപ്പിലാക്കുമെന്നും അറിയിച്ചു.
കിടപ്പുരോഗികളുള്ള കുടുംബങ്ങൾക്ക് 20,000 രൂപ വരെ ധനസഹായം നൽകുന്ന പദ്ധതി ഉൾപ്പെടെ ആരോഗ്യം, വിദ്യാഭ്യാസം, സാമൂഹിക ക്ഷേമം എന്നീ മേഖലകളിൽ നിരവധി ജനോപകാരപ്രദമായ പദ്ധതികൾ ഈ വർഷം നടപ്പിലാക്കുമെന്നും വിശദീകരിച്ചു.ലയൺസ് ക്ലബ് പ്രസിഡന്റ് സജി കെ. മാത്യൂസ്, എം. അലിയാർ,ടി. കെ. സോണി , എം. കെ. നാരായണൻ, സോളൻ ജോർജ്, ദീപക് ജോസ് എന്നിവർ ചടങ്ങിൽ പ്രസംഗിച്ചു.
