കോതമംഗലം: താലൂക്ക് ആശുപത്രിയിൽ അടിസ്ഥാന സൗകര്യങ്ങൾ വിപുലീകരിച്ച് ആധുനിക ചികിത്സാ ഉപകരണങ്ങൾ സജ്ജമാക്കിയും മെച്ചപ്പെട്ട സേവനങ്ങൾ ലഭ്യമാക്കാൻ കഴിഞ്ഞതിലൂടെയാണ് എൻക്യുഎഎസ് ദേശീയ അംഗീകാരം നേടിയെടുക്കാൻ സാധിച്ചതെന്ന് മുൻസിപ്പൽ ഭരണസമിതി.
ആയിരത്തി അഞ്ഞൂറിലധികം പേർക്കു ദിനംപ്രതി ഒ.പി സേവനങ്ങൾ ലഭിക്കുന്ന തരത്തിൽ ആശുപത്രിയുടെ വികസനം വിപുലപെടുത്തിയിട്ടുണ്ട്. പുതുതായി ഈവെനിംഗ് ഒപിയും പ്രവർത്തിക്കുന്നുണ്ട്. അതിനാവശ്യമായ ഡോക്ടർ, നേഴ്സ് അടക്കമുള്ളവരെ നഗരസഭ കരാർ അടിസ്ഥാനത്തിൽ നിയമിച്ചിട്ടുണ്ട്. രോഗികൾക്കും കൂട്ടിരിപ്പുകാർക്കുമായി എല്ലാ നേരവും ഭക്ഷണം ലഭ്യമാക്കുന്നപദ്ധതിയും വളരെവിജയകരമായി നടന്നുവരുന്നു.
. നിരവധി രോഗികൾക്കും അവരുടെ കുടുംബങ്ങൾക്കും സഹായമാകുന്ന പാലിയേറ്റിവ് കെയർ,ഡയാലിസിസ് സെന്റർഎന്നിവയുടെപ്രവർത്തനം ഉടൻ ആരംഭിക്കും ഇതോടെ സ്വകാര്യ ആശുപത്രികളോട് കടപിടിക്കുന്ന ചികിത്സാ സൗകര്യങ്ങൾ താലൂക്കാശുപത്രിയിലും ലഭ്യമാക്കുമെന്ന്
നഗരസഭ ചെയർപേഴ്സൺ ഭാനുമതി രാജൂ, വൈസ് ചെയർമാൻ പ്രിൻസ് വർക്കി, ആരോഗ്യ സ്ഥിരം സമിതി ചെയർ പേഴ്സൺ സിന്ധു ജിജോ,ആശുപത്രി സൂപ്രണ്ട് ഡോ അനിത ബാബു എന്നിവർ സംയുക്ത പത്രകുറിപ്പിൽ അറിയിച്ചു.
