103-ാം വയസില്‍ വീട്ടില്‍ വോട്ട് രേഖപ്പെടുത്തി തച്ചില്‍ ആന്റണി

കോതമംഗലം: തളരാത്ത പോരാട്ട വീര്യം മനസില്‍ നിറഞ്ഞു നില്‍ക്കുന്ന റിട്ട. എയര്‍ ഫോഴ്‌സ് ഉദ്യോഗസ്ഥന്‍ തച്ചില്‍ ആന്റണി 103-ാം വയസില്‍ വീട്ടില്‍ വോട്ട് രേഖപ്പെടുത്തി. കോതമംഗലം എംഎ കോളജ് റോഡില്‍ തച്ചില്‍ ആന്റണി ഹൗസ് വോട്ടിലൂടെയാണ് സമ്മതിദാനാവകാശം നിര്‍വഹിച്ചത്.

ആന്റണിയുടെ 91 കാരിയായ ഭാര്യ ആനിക്കുട്ടിയും ഭര്‍ത്താവിന് കൂട്ടായി വോട്ട് ചെയ്തു. കഴിഞ്ഞ നിയമസഭ, പാര്‍ലമെന്റ് തെരഞ്ഞെടുപ്പുകളിലും ഉത്തരവാദിത്വം മറക്കാതെ ഇരുവരും ഹൗസ് വോട്ട് ചെയ്തിരുന്നു. മകന്‍ ജോര്‍ജിനും ഭാര്യ ജോര്‍ളിക്കുമൊപ്പമാണ് താമസം.