കോതമംഗലം: തങ്കളം വിവേകാനന്ദ വിദ്യാലയത്തിൽ ശിശുദിനം ആഘോഷിച്ചു.രാവിലെ വിദ്യാലായത്തിൽ നടന്ന ആഘോഷങ്ങൾക്ക് പുറമെ കെ ജി, എൽ പി വിഭാഗത്തിലെ കുട്ടികളെ ഉൾപ്പെടുത്തി കോതമംഗലം പോലീസ് സ്റ്റേഷൻ സന്ദർശനവും പോസ്റ്റ്‌ ഓഫീസ് സന്ദർശനവും നടത്തി. ശിശുദിനം പോലീസ് മാമന്മാരോടൊപ്പം എന്ന ബാനറിൽ പോലീസ് സ്റ്റേഷനിൽ അണിനിരന്ന കുട്ടികളെ പോലീസ് ഉദ്യാഗസ്ഥർ ചേർന്ന് സ്വീകരിച്ചു. പോലീസ് സ്റ്റേഷന്റെ പ്രവർത്തനങ്ങളെക്കുറിച്ച് സ്റ്റേഷൻ ഓഫീസർ ടി എ യൂനസും, ട്രാഫിക് സിഗ്നൽ സംവിധാനങ്ങളെക്കുറിച്ച് ട്രാഫിക് എസ് ഐ ബേബി പോളും കുട്ടികൾക്ക് ക്ലാസ്സെടുത്തു.
ട്രാഫിക് ഉപയോഗങ്ങൾക്ക് ഉപകരിക്കുന്ന ഡീവിയേഷൻ ബാരിക്കേഡ് വിവേകാനന്ദ വിദ്യാലയത്തിന്റെ വകയായി കോതമംഗലം ട്രാഫിക് പൊലീസിലേക്ക് സമർപ്പിച്ചു. സമർപ്പണത്തിന്റെ ഉത്‌ഘാടനം നഗരസഭ വൈസ് ചെയർമാൻ എ ജി ജോർജ് നിർവഹിച്ചു. ചടങ്ങിൽ സബ് ഇൻസ്‌പെക്ടർ ടി ദിലീഷ് ശിശുദിന സന്ദേശം നൽകി. തുടർന്ന് നടന്ന പോസ്റ്റ്‌ ഓഫീസ് സന്ദർശനത്തിൽ അസ്സി:പോസ്റ്റ്‌ മാസ്റ്റർ രേമേഷ് എം കുമാർ പോസ്റ്റ്‌ഓഫീസ് പ്രവർത്തഞങ്ങളെക്കുറിച്ച് കുട്ടികൾക്ക് ക്ലാസ്സെടുത്തു. പോലീസ് അധികൃതരും പോസ്റ്റ്‌ ഓഫീസ് അധികൃതരും കുട്ടികൾക്ക് മധുര പലഹാരങ്ങൾ വിതരണം ചെയ്തു. പ്രധാന അദ്ധ്യാപിക ശ്രീകല, വിദ്യാലയസമിതി സെക്രട്ടറി ഇ കെ അജിത്കുമാർ, സ്കൂൾ അഡ്മിനിസ്ട്രേറ്റീവ് ഓഫീസർ ശ്രീദേവി മുരളി, പി ടി എ പ്രസിഡന്റ്‌ പി വി വിനോദ്കുമാർ എന്നിവർ പരിപാടികൾക്ക് നേതൃത്വം നൽകി.
You must be logged in to post a comment Login