കോതമംഗലം: സംസ്ഥാന എക്സൈസ് വകുപ്പ് വിമുക്തി മിഷന് ആദിവാസി ഉന്നതികളില് നടപ്പാക്കുന്ന പിഎസ്സി പരിശീലന പദ്ധതിയുടെ ഭാഗമായി കുട്ടമ്പുഴ പഞ്ചായത്തിലെ വിവിധ ഉന്നതികളിലെ കുട്ടികള്ക്ക് ജില്ലാ മിഷന് നടപ്പാക്കുന്ന പരിശീലന പരിപാടിയുടെ ഉദ്ഘാടന യോഗം നടത്തി. പഞ്ചായത്തു തെരെഞ്ഞുടുപ്പ് പെരുമാറ്റച്ചട്ടം നിലനിന്നതിനാല് ക്ലാസ്സ് ആരംഭിച്ച സമയത്ത് നടത്താന് കഴിയാത്തതിനെ തുടര്ന്ന് കഴിഞ്ഞ ദിവസം നടത്തിയ യോഗത്തില് പഞ്ചായത്ത് പ്രസിഡന്റ് മേരി കുര്യാക്കോസ് പരിശീലന ക്ലാസ്സിന്റെ ഉദ്ഘാടനം നിര്വഹിച്ചു.
വാര്ഡ് മെമ്പര് അരുണിമ വിനീഷ് അധ്യക്ഷത വഹിച്ച യോഗത്തില് കോതമംഗലം ബ്ലോക്ക് പഞ്ചായത്ത് മെമ്പര് ചിഞ്ചു എബ്രഹാം മുഖ്യ പ്രഭാഷണം നടത്തി. വിമുക്തി മെന്റര് കെ.എസ് ഇബ്രാഹിം പദ്ധതി വിശദീകരണം നടത്തി. കോതമംഗലം റേഞ്ച് എക്സൈസ് ഇന്സ്പെക്ടര് ഗ്രേഡ് ഫിലിപ്പ് തൊമസ്, പഞ്ചായത്ത് വിദ്യാഭ്യാസ സ്റ്റാന്റിംഗ് കമ്മറ്റി ചെയര്പേഴ്സണ് ലിസി സൈമണ്, കോതമംഗലം എക്സൈസ് സര്ക്കിള് ഓഫിസ് അസിസ്റ്റന്റ് എക്സൈസ് ഇന്സ്പെക്ടര് ഗ്രേഡ് പി.കെ ബാലകൃഷ്ണന് നായര്, വിദ്യാര്ത്ഥി പ്രിയങ്ക, കുട്ടമ്പുഴ റേഞ്ച് അസിസ്റ്റന്റ് ഇന്സ്പെക്ടര് ഗ്രേഡ് പോള് ടി.പി ,സിവില് എക്സൈസ് ഓഫീസര് ബേസില് കെ തൊമസ്, നന്ദു ശേഖരന് തുടങ്ങിയവര് പ്രസംഗിച്ചു. വിദ്യാര്ത്ഥി ദിവ്യ പി എസ് ഗാനം ആലപിച്ചു.
