പിണ്ടിമന: വെറ്റിലപ്പാറയിലെ രാജീവ് ഗാന്ധി ദശലക്ഷം കോളനിയിൽ കാട്ടാനക്കൂട്ടമെത്തി. പരിസരങ്ങളിൽ തമ്പടിച്ച് ഭീകരാന്തരീക്ഷം സൃഷ്ടിക്കാറുള്ള കാട്ടാനക്കൂട്ടം ആദ്യമായാണ് കോളനി വളപ്പിലെത്തുന്നത്. പിണ്ടിമന പഞ്ചായത്തിലെ 12-ാം വാർഡിലാണ് 30-ഓളം വീടുകളുള്ള രാജീവ് ഗാന്ധി ദശലക്ഷം കോളനിയുള്ളത്.
കോളനിയിലെ കൃഷിയിടത്തിലെ വാഴയും, കപ്പയുമെല്ലാം കാട്ടാനക്കൂട്ടം ചവിട്ടിമെതിച്ചു. ഒരിക്കൽ വന്ന ആനകൾ വീണ്ടും വരുമെന്ന ഭീതിയിലാണ് കോളനിക്കാർ. പിണ്ടിമന ഗ്രാമപഞ്ചായത്ത് പ്രസിഡൻ്റ് ജെസി സാജു കൃഷി നാശം സംഭവിച്ച രാജീവ ഗാന്ധി കോളനി സന്ദർശിച്ചു.
