കോതമംഗലം : കരാട്ടെ അസോസിയേഷൻ ഓഫ് ഇന്ത്യ സംഘടിപ്പിച്ച ഇരുപത്തി നാലു സംസ്ഥാനങ്ങൾ പങ്കെടുത്ത ഓൾ ഇന്ത്യ കരാട്ടെ സബ് ജൂനിയർ ഇ -കട്ട മത്സരത്തിൽ കോതമംഗലം പിണ്ടിമന സ്വദേശിയായ പുത്തൻപുരയിൽ അനിൽ കുമാറിന്റെയും സ്മിതയുടെയും മകളായ കൃഷ്ണപ്രിയ അനിൽ വെങ്കല മെഡൽ നേടുകയുണ്ടായി. എറണാകുളം ജില്ലയിൽ നിന്നും ജില്ലാ സ്പോർട്സ് കൗൺസിൽ രജിസ്ട്രേഷനുള്ള കോതമംഗലം റോട്ടറി കരാട്ടെ ക്ലബ്ബിൽ കഴിഞ്ഞ എട്ടു വർഷകാലമായി ഹാൻഷി ജോയി പോളിന്റെ കീഴിൽ കരാട്ടെ പരീശീലിച്ചു വരുന്ന കൃഷ്ണപ്രിയ അനിൽ, കോതമംഗലം ശോഭന പബ്ലിക് സ്കൂൾ എട്ടാം ക്ലാസ്സ്‌ വിദ്യാർത്ഥിനിയാണ്.
കോവിഡ് കാലമായതിനാൽ കരാട്ടെ അസോസിയേഷൻ ഓഫ് ഇന്ത്യ മത്സരങ്ങൾ ഓൺലൈൻ ആയിയാണ് സംഘടിപ്പിച്ചത്. ഇന്ത്യയിലെ ഇരുപത്തി നാലു സംസ്ഥാനത്തു നിന്നുമുള്ള കുട്ടികൾ മത്സരിക്കുകയുണ്ടായി. ഈ മത്സരത്തിൽ കേരളം മൂന്ന് വെങ്കല മെഡലുകൾ കരസ്ഥമാക്കുകയുമുണ്ടായി.
