കോതമംഗലം : പിണ്ടിമന സി പി ഐ എം ലോക്കൽ കമ്മറ്റി നിർമ്മിച്ച കനിവ് ഭവനത്തിൻ്റെ താക്കോൽ ദാനം സി പി ഐ എം എറണാകുളം ജില്ല സെക്രട്ടറി സി എൻ മോഹനൻ നിർവ്വഹിച്ചു. ചടങ്ങിൽ കുടുംബത്തിന് ആൻ്റണി ജോൺ എം എൽ എ ടെലിവിഷൻ കൈമാറി.തൃശൂരിൽ ചേർന്ന സംസ്ഥാന സമ്മേളനത്തിൽ സംസ്ഥാനത്തെ എല്ലാ ലോക്കൽ കമ്മറ്റികളും പ്രദേശത്തെ അർഹരായവർക്ക് വീട് നിർമ്മിച്ച് നൽകാൻ തീരുമാനമെടുത്തിരുന്നു. ഇതിൻ്റെ ഭാഗമായിട്ടാണ് വെറ്റിലപ്പാറ ചൊള്ളാംകുഴിയിൽ മത്തായിക്കും കുടുംബത്തിനും വീട് നിർമ്മിച്ചു നൽകിയത്. എറണാകുളം ജില്ലയിൽ പൂർത്തിയാക്കിയ നൂറ്റി പത്താമത്തെ വീടാണ് കൈമാറിയത്.
സി പി ഐ എം സംസ്ഥാന അംഗം ഗോപി കോട്ടമുറിക്കൽ,എസ് സതീഷ്,സി പി ഐ എം കോതമംഗലം ഏരിയ സെക്രട്ടറി ആർ അനിൽകുമാർ,പി എം മുഹമ്മദാലി,ബിജു പി നായർ,എ വി രാജേഷ്,അരുൺ വി കുന്നത്ത്,മഞ്ജു ജോയി,ഹസീന അലിയാർ,ജലജ പൗലോസ് തുടങ്ങിയവർ പങ്കെടുത്തു.
