Connect with us

Hi, what are you looking for?

CHUTTUVATTOM

പീസ് വാലിയുടെയും സോപ്മയുടെയും പ്രവർത്തനം മാതൃകപരം: എം.എൽ.എ

പെരുമ്പാവൂർ : കോവിഡ് സമയത്ത് പീസ് വാലിയും സോപ്മയും നടത്തുന്ന പ്രവർത്തനങ്ങൾ മാതൃകാപരമെന്ന് എൽദോസ് കുന്നപ്പിള്ളി എം.എൽ.എ. വെങ്ങോല പഞ്ചായത്തിന്റെ കീഴിൽ തണ്ടേക്കാട് ജമാ അത് ഹയർ സെക്കണ്ടറി സ്കൂളിൽ ആരംഭിക്കുന്ന സെക്കന്റ് ലൈൻ ട്രീറ്റ്മെന്റ് കേന്ദ്രത്തിന്റെ ആലോചന യോഗത്തിൽ സംസാരിക്കുകയായിരുന്നു എം.എൽ.എ. അൻപത് കിടക്കകൾ ഉള്ള കേന്ദ്രമാണ് ഉടൻ തുടങ്ങുന്നത്. ആവശ്യമായി വന്നാൽ ഇത് നൂറ് കിടക്കകളായി വർദ്ധിപ്പിക്കുവാൻ സാധിക്കുമെന്ന് എം.എൽ.എ പറഞ്ഞു.
ഓക്സിജൻ സൗകര്യം ലഭ്യമാക്കുന്ന കിടക്കകൾ ആണ് ഇവിടെ സജ്ജികരിക്കുന്നത്. 25 ഓക്സിജൻ കോൺസെൻട്രേറ്റർ, 50 ഓക്സിജൻ സിലിണ്ടറുകൾ എന്നിവയോടൊപ്പം 2 വെന്റിലേറ്റർ സൗകര്യവും ഇവിടെ ഉണ്ടാകും. വെങ്ങോല ഗ്രാമ പഞ്ചായത്തിന് കീഴിൽ പീസ് വാലിയും സോപ്മ ക്ലബും തണ്ടേക്കാട് മുസ്ലിം ജമാഅത്തും ചേർന്നാണ് സെന്റർ നടത്തുന്നത്.
60 ലക്ഷം രൂപയാണ് പദ്ധതിക്കായി ചെലവ് വരുന്നത്. സോപ്മയാണ് ചെലവ് നിർവഹിക്കുന്നത്. 6 മണിക്കൂർ വീതം 4 ഡോക്ടർമാരുടെ സേവനം 24 മണിക്കൂർ നേരവും ലഭ്യമാക്കും. 8 നേഴ്‌സുമാരുടെ സേവനവും ഇവിടെ ഉണ്ടാകും. 12 ശുചികരണ തൊഴിലാളികളും ഭക്ഷണ ശാലയും ഇവിടെ ലഭ്യമാക്കും.
എൽദോസ് കുന്നപ്പിള്ളി എം.എൽ.എ, ടെൽക് ചെയർമാൻ അഡ്വ. എൻ.സി മോഹനൻ, ബ്ലോക്ക് പഞ്ചായത്ത് പ്രസിഡന്റ്‌ കെ. എം അൻവർ അലി, ഗ്രാമ പഞ്ചായത്ത് പ്രസിഡന്റ്‌ എൻ. ബി ഹമീദ്, പി.എ മുക്താർ, ഷംല നാസർ, എ.എം സുബൈർ എന്നിവർ ആണ് ട്രീറ്റ്മെന്റ് സെന്ററിന്റെ രക്ഷധികാരികൾ. പീസ് വാലി അബുബക്കർ ചെയർമാനും ഷാജഹാൻ കാരിയേലി ജനറൽ കൺവീനറും ആയി പ്രവർത്തിക്കും. സി.പി.എം ഏരിയ സെക്രട്ടറി പി.എം സലിം, മുസ്ലിം ലീഗ് ജില്ല വൈസ് പ്രസിഡന്റ്‌ എം.യു ഇബ്രാഹിം, മുസ്ലിം ജമാ അത്ത് കമ്മിറ്റി ഭാരവാഹികളായ മജീദ് കെ.കെ, ഷംസുദ്ധീൻ എം.കെ, കെ.ബി ഷാജഹാൻ എന്നിവർ യോഗത്തിൽ സംബന്ധിച്ചു.

You May Also Like

NEWS

പെരുമ്പാവൂർ: ഹോട്ടൽ ആൻ്റ് റസ്റ്റോറൻ്റ് അസോസിയേഷൻ പെരുമ്പാവൂർ യൂണിറ്റിൻ്റെ അനുസ്മരണ സമ്മേളനവും സാമുഹ്യ സേവന പ്രവർത്തനങ്ങളുടെ ഉത്ഘാടനവും നടത്തി. പെരുമ്പാവൂർ ഫാസ് ഓഡിറ്റോറിയത്തിൽ നടന്ന അനുസ്മരണ സമ്മേളനവും സാമുഹ്യ സേവന പ്രവർത്തനങ്ങളുടെ ഉത്ഘാടനവും...

CHUTTUVATTOM

പെരുമ്പാവൂർ : ആറാം വിരൽ മുറിക്കേണ്ടി വന്ന കുട്ടിക്ക് നാവു മുറിച്ചു മാറ്റാഞ്ഞത് ഭാഗ്യം കൊണ്ട് മാത്രമാണെന്ന് എൽദോസ് കുന്നപ്പള്ളി എംഎൽഎ പറഞ്ഞു .ആരോഗ്യവകുപ്പിന്റെ പേര് അനാസ്ഥ വകുപ്പ് എന്നാക്കണമെന്നും ആരോഗ്യവകുപ്പ് മന്ത്രിക്ക്...

CHUTTUVATTOM

പെരുമ്പാവൂർ : വേങ്ങൂർ ,മുടക്കുഴ പഞ്ചായത്തുകളിൽ മഞ്ഞപ്പിത്ത ബാധ വ്യാപകമാകുന്നത് തടയുവാൻ ജില്ലാ മെഡിക്കൽ ഓഫീസർ ഡോ .ഷക്കീനയുടെ സാന്നിധ്യത്തിൽ എൽദോസ് കുന്നപ്പിള്ളി എംഎൽഎയുടെ നേതൃത്വത്തിൽ അവലോകനയോഗം ചേർന്നു . ഇരു പഞ്ചായത്തുകളിലുമായി...

CHUTTUVATTOM

പെരുമ്പാവൂർ : വേങ്ങൂർ പഞ്ചായത്തിൽ ആറാം വാർഡിൽ സ്ഥിതി ചെയ്യുന്ന ആദിവാസി ഊരായ പോങ്ങൻ ചുവട് ആദിവാസി കൂടിയിലേക്ക് കെഎസ്ആർടിസി ബസ് അനുവദിക്കണമെന്ന എൽദോസ് കുന്നപ്പള്ളി എംഎൽഎയുടെ സബ്മിഷനിലൂടെയുള്ള ആവശ്യത്തിന് കെഎസ്ആർടിസി സർവീസ്...